AQŞ prezidentı Donald Tramp osy aptada ekınşı prezidenttık merzımı aiasynda alǧaş ret veto qūqyǧyn paidalandy, dep habarlaidy "Adyrna" ūlttyq portaly QazAqparatqa sıltep.
Ol Kongress ekı partiianyŋ da qoldauymen qabyldaǧan ekı zaŋ jobasyna qol qoiudan bas tartty.
Alǧaşqy veto Kolorado ştatynyŋ oŋtüstık-şyǧys bölıgın taza auyzsumen qamtamasyz etuge arnalǧan Arkanzas aŋǧaryndaǧy su qūbyrynyŋ qūrylysyn aiaqtau turaly zaŋ jobasyna qatysty boldy. Donald Tramp būl jobanyŋ ūzaqqa sozylǧanyn jäne tym qymbatqa tüsetının atap öttı.
"Jeterı jettı. Menıŋ äkımşılıgım amerikalyq salyq töleuşılerdıŋ qarjysyn qymbat ärı senımsız saiasatqa jūmsauǧa jol bermeidı", — dep jazdy Tramp.
Zaŋ jobasynyŋ avtory, Kolorado ştatynan sailanǧan respublikalyq kongressmen Loren Bobert äleumettık jelıde «Būl älı soŋy emes» dep mälımdedı.
Al demokrat-senator Djon Hikenluper Trampty «partiialyq oiyn jürgızıp, Koloradony jazalady» dep aiyptap, Kongresstı vetony joiuǧa şaqyrdy. Vetony eŋseru üşın Kongrestıŋ ekı palatasynda da üşten ekı dauys qajet.
Tramp veto qoiǧan ekınşı zaŋ jobasy Florida ştatyndaǧy Mikkosuki qoryq aimaǧyn keŋeituge qatysty boldy. Qūjatqa säikes, qoryq aumaǧyna Evergleids ūlttyq parkınıŋ bır bölıgı qosyluy tiıs edı.
Vetonyŋ sebepterın tüsındıretın hatynda Donald Tramp Mikkosuki taipasyn «aqylǧa qonymdy köşı-qon saiasatyna kedergı keltıruge tyrysty» dep aiyptady. Onyŋ aituynşa, būl saiasatty amerikalyq halyq sailau kezınde aiqyn qoldaǧan.
Aita keteiık, Donald Tramp alǧaşqy prezidenttık merzımınde 10 zaŋ jobasyna veto qoiǧan, olardyŋ tek bıreuı ǧana Kongress tarapynan joiylǧan.
