Jurnalist Mihail Kozachkov elordadaǧy 71-mekteptegı şuly jaǧdaidyŋ videosymen bölıstı. Bılım basqarmasy män-jaidy anyqtauǧa tyrysuda, dep habarlaidy "Adyrna" ūlttyq portaly.
Kadrlarda oquşylardyŋ dälızge syimai, bır-bırın itere şūbyryp jatqanyn köre alamyz.
«Men barlyq oblys basşylaryna Astanadaǧy qarapaiym 71-şı mekteptegı jaǧdaidy körsetkım keledı. Ol «Han Şatyrdan» alys emes jerde ornalasqan, al töŋıregınde qaptaǧan tūrǧyn üi keşenderı ornalasqan. Nätijesınde 1200-1500 oquşy oqytudyŋ ornyna, būl mektep 5 myŋnan astam oquşyny oqytuda. Mıne, «Sensattar», «Djeparkter» men «Bazister» jalpy bıtpeitın tūrǧyn üi qūrylystary osyǧan äkeledı, aqşany aidalaǧa şaşady, şeneunıkter de aştan ölmeidı. Al balalar zardap şegedı. Qūrmettı äkımder! Ötınemın, būlai etpeŋızder», - dep jazdy Kozachkov.
Būl mektep-liseidıŋ üş auysymda jūmys ısteitını belgılı boldy. Videoda üşınşı auysym oquşylary men altynşy sabaqtan keiın şyqqan ekınşı auysym oquşylarynyŋ bır uaqytta şyǧyp qalǧany, al kezekşı mūǧalımderdıŋ syrt kiımderın beruge ülgermei jatqan sätı tüsırılgen.
«Būl mäselenı şeşu üşın syrtqy kiım ılgışterı mektep qabattaryna qaita bölındı, osylaişa 5 qyrküiekten bastap garderob mäselesı joiylady», - dep sendırdı bılım basqarmasy.
Bılım salasynyŋ qyzmetkerlerı qalada oquşylar oryndaryn qūru boiynşa jüielı jūmystar jürgızılıp jatqanyn da qosty. Biylǧy oqu jylynda 11 mektep aşylady, qazır onyŋ 4-ı jūmys ıstep tūr.
Sonymen qatar, qalada «Jaily mektep» ūlttyq jobasy jüzege asyryluda. Osy joba aiasynda 2024-2025 jyldar aralyǧynda 90 myŋ oryndyq 24 mektep salynady. Onyŋ ışınde 15 mektep – «Esıl» jäne «Nūra» audandarynda salynady.
Posmotret etu publikasiiu v Instagram
"Adyrna" ūlttyq portaly
Ūqsas jaŋalyqtar
