Qazaqstandyq sportshylar Instagram paraqshalarynda 8 sáýirde megapolıste bastalǵan «Almaty – bizdiń ortaq úıimiz» naýqanyna qatysýǵa kópshilikti belsendi túrde shaqyrýda.
Olardyń qatarynda boksshy, eki dúrkin álem chempıony Nazym Qyzaıbaı, júzýden Olımpıada chempıony Dmıtrıı Balandın, bokstan Olımpıada chempıony Ermahan Ibraımov, paýerlıftıngten álem chempıony Ilıa Maslov, ýshý - sannan Dúnıejúzilik jazǵy Ýnıversıada júldegeri Beksultan Qoskenov, taı boksynan álem chempıony Mılana Kolchenko jáne taǵy basqalar bar.
Olardyń barlyǵy beı-jaı qaramaıtyn azamattarǵa súıikti Almatynyń aýmaqtaryn jınaý, abattandyrý jáne tazartý jónindegi kóktemgi bastamaǵa qosylý týraly ótinishpen júgindi.
Ermahan Ibraımov nıettes azamattardy shette qalmaýǵa, sondaı-aq ortaq ıgi iske óz úlesterin qosýǵa jáne birlesken kúsh-jigermen qalany taza ári ádemi etýge shaqyrdy.
«Sizden «Almaty - bizdiń ortaq úıimiz» naýqanyna qatysýǵa belsendi qoldaý kórsetýińizdi suraımyn! Eger árbir almatylyq óz aýlasyn kógaldandyryp, taza ustasa, Almaty qalasy taza bolady. Almaty qalasy gúldene bersin!», - dedi ol.
Nazym Qyzaıbaı óziniń beıne joldaýynda tazalyq – densaýlyq kepili ekenin atap ótti. Ony barynsha saqtaý-árbir qala turǵynynyń mindeti.
Ilıa Maslov óziniń áleýmettik jelidegi paraqshasynda qala sportshylarynyń atynan qala turǵyndaryna megapolısti qoqystan tazartýǵa yqpal etetin bul jobany qoldaýdy usyndy.
«Meniń oıymsha, sizderdiń árqaısylaryńyz syrtqa shyǵyp, úı mańyndaǵy aýmaqty tazalaı alasyz, sondaı-aq jaqyn mańdaǵy taýly aımaqtarǵa shaǵyn saıahat jasaı alasyz. Aınalany taza ustaýdy ózgeden emes, ózimizden bastaıyq! Qalanyń tazalyǵyna árqaısymyz óz úlesimizdi qosaıyq!», - dedi ol.
Dmıtrıı Balandın «Almaty - bizdiń ortaq úıimiz» akııasy aıasynda kóptegen aǵashtar otyrǵyzylǵanyn, jalpyqalalyq senbilikter uıymdastyrylǵanyn, qoǵamdyq oryndar tazalanyp, abattandyrylǵanyn eske saldy.
«Siz bul jobaǵa óz aýlańyzdy tazartýdan bastap qatysa alasyz.Birge bizdiń qalany odan da ádemi eteıik!»,- dep shaqyrdy júzýshi.
Esterińizge sala keteıik, Almatyda «Almaty - bizdiń ortaq úıimiz» naýqany ótip jatyr. Árbir turǵyn qalanyń damýy men tazarýyna úles qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalastyrylǵan. Sondaı-aq, qala boıynsha ornalastyrylǵan bannerlerge,posterlerge,, afıshalarǵa arnaıy QR-kod boıynsha kirýge bolady.
Áleýmettik jelilerdegi naýqannyń belsendi qatysýshylaryna arnalǵan heshtegter: #AlmatyNashObııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.
