Qazaqstannyŋ ekı öŋırınde aua raiynyŋ kürt naşarlauyna bailanysty respublikalyq maŋyzy bar avtojoldar uaqytşa jabyldy, dep habarlaidy "Adyrna".
10 qaŋtar künı saǧat 21:45-ten bastap boran men köktaiǧaqtyŋ küşeiuıne bailanysty Aqtöbe jäne Qyzylorda oblystarynda jük kölıkterı men qoǧamdyq kölıktıŋ qozǧalysyna şekteu qoiyldy.
Aqtöbe oblysynda «Resei şekarasy – Martok – Aqtöbe – Qarabūtaq – Qyzylorda – Şymkent – Taraz – Qordai – Almaty – Qorǧas – Qytai şekarasy» tasjolynyŋ 965-1240 şaqyrym aralyǧy, iaǧni Qarabūtaq auylynan Qyzylorda oblysynyŋ şekarasyna deiıngı bölıgı jabyldy.
Al Qyzylorda oblysynda osy baǧyttaǧy joldyŋ 1240-1362 şaqyrym aralyǧy — Aqtöbe oblysynyŋ şekarasynan Aral qalasyna deiıngı aumaqta kölık qozǧalysy uaqytşa toqtatyldy.
«QazAvtoJol» ūlttyq kompaniiasynyŋ mälımetınşe, joldardy qaita aşu 11 qaŋtar künı taŋǧy saǧat 07:00-ge josparlanyp otyr.
Mamandar jürgızuşılerge aua raiy jaqsarǧanşa alys jolǧa şyqpauǧa, qauıpsızdık talaptaryn qataŋ saqtauǧa jäne resmi derekközderden aqparatty tūraqty qadaǧalap otyruǧa keŋes beredı.
