UFC-diń burynǵy chempıony Konor Makgregor 2025 jyly ótetin Irlandııa prezıdenttik saılaýyna qatysýǵa nıetti ekenin jarııalady, dep habarlaıdy "Adyrna" ulttyq portaly.
Makgregordyń bul sheshimi eldegi kóshi-qon saıasatyna qatysty pikirtalastarmen baılanysty. Onyń aıtýynsha, Irlandııa 2026 jyldyń 12 maýsymyna deıin Eýropalyq Odaqtyń Mıgraııalyq pakti aıasyndaǵy barlyq mindettemelerin oryndaýǵa mindetti. Bul merzimge deıin parlamenttiń qos palatasy qajetti zań jobalaryn qabyldap, olardy el prezıdenti bekitýi tıis. Al prezıdenttik saılaý 2025 jyldyń 11 qarashasyna deıin ótýi kerek.
"Úkimetke menen basqa kim qarsy shyǵa alady? Olar usynatyn kez kelgen kandıdat bılikke tótep bere almaıdy. Al men – bere alamyn! Eger men prezıdent bolsam, bul zań jobasyn referendýmǵa shyǵarar edim. Men bul paktqa túbegeıli qarsymyn. Biraq bul sheshim meniń nemese úkimettiń erkine baılanysty emes. Men prezıdent bolǵanda, bul – Irlandııanyń bolashaǵy bolady. El azamattarynyń árqaısysy óz pikirin aıtyp, bolashaǵyn ózi aıqyndaýǵa quqyly!" – dep jazdy Makgregor Instagram paraqshasynda.
Aıta keteıik, Konor Makgregor Irlandııadaǵy kóshi-qon saıasatyna qatysty qatań kózqarasymen tanymal. Ol elge zańsyz mıgraııanyń qaýip tóndiretinin birneshe ret aıtqan. Osy máselege baılanysty jýyrda ol AQSh-tyń burynǵy prezıdenti Donald Tramppen kezdesip, pikir almasqan.
