Memleket basşysynyŋ bastamasymen ekı milliard aǧaş otyrǧyzylady. Ekologiia, geologiia jäne tabiǧi resurstar ministrı Maǧzūm Myrzaǧaliev halyq aldynda esep beru kezdesuınde osylai dedı, dep habarlaidy "Adyrna" ūlttyq portaly.
Osy maqsatta barlyq aimaqtarǧa jäne ministrlıktıŋ vedomstvolyq baǧynyşty mekemelerınde keşendı josparlar bekıtıldı. Josparlarda respublikalyq biudjetten de, jergılıktı biudjetten de şyǧyndar qarastyrylǧan. Orman jäne tabiǧatty qorǧau mekemelerınıŋ ıs-äreketterın üilestıretın ştab qūryldy. Kögaldandyru jūmystary bastalyp kettı. Qazırdıŋ özınde 26,1 myŋ gektar alqapqa 80,5 million aǧaş otyrǧyzyldy. Būl şaralar eldıŋ orman alqabyn 2030 jylǧa qarai 5% -ǧa jetkızuge mümkındık beredı.
"Aral teŋızınıŋ qūrǧaǧan tübıne sekseuıl otyrǧyzu jeke mäsele bolyp tabylady. 1990 jyldan 2021 jylǧa deiın 195 myŋ gektar alqapqa sekseuıl otyrǧyzyldy (9%). Bırneşe apta būryn öŋırge ekspedisiia jöneltılgen bolatyn. Qoldanystaǧy ekpelerdı qaita qarau jürgızıldı. Tabiǧi şyǧuyn eskere otyryp, audany 337 myŋ ga qūrady. Memleket basşysynyŋ tapsyrmasy boiynşa bız sekseuıl otyrǧyzudyŋ keşendı baǧdarlamasyn jasap jatyrmyz. 2021-2030 jyldary 1,1 million gektar jerge sekseuıl otyrǧyzu josparlanyp otyr", dedı ministr.Ziiandy öteu mölşerı Qyzyl kıtapqa engızılgen zaŋsyz kesılgen är aǧaş üşın 6-dan 1000 AEK-ke deiın ūlǧaityldy. Sonymen qatar, äkımşılık jäne qylmystyq kodeksterge orman qorynda jäne qalalar men eldı mekender aumaǧynda aǧaştar men būtalardy zaŋsyz keskenı, joiǧany jäne büldırgenı üşın aiyppūldardy köbeitu jäne būzuşylarǧa sanksiiany küşeitu turaly tüzetuler engızıldı. Sondai-aq, ösımdıkter düniesın qorǧaudyŋ, ösımın molaitudyŋ jäne paidalanudyŋ barlyq mäselelerın zaŋnamalyq tūrǧydan oŋtailandyru maqsatynda Mäjılıste qaralyp jatqan «Ösımdıkter düniesı turaly» zaŋ jobasy äzırlendı.
"Adyrna" ūlttyq portaly
Ūqsas jaŋalyqtar
