Qazaqstanda eki mıllıard aǵash otyrǵyzylmaq

3878
Adyrna.kz Telegram

Memleket basshysynyń bastamasymen eki mıllıard aǵash otyrǵyzylady. Ekologııa, geologııa jáne tabıǵı resýrstar mınıstri Maǵzum Myrzaǵalıev halyq aldynda esep berý kezdesýinde osylaı dedi, dep habarlaıdy "Adyrna" ulttyq portaly.

Osy maqsatta barlyq aımaqtarǵa jáne mınıstrliktiń vedomstvolyq baǵynyshty mekemelerinde keshendi josparlar bekitildi. Josparlarda respýblıkalyq bıýdjetten de, jergilikti bıýdjetten de shyǵyndar qarastyrylǵan. Orman jáne tabıǵatty qorǵaý mekemeleriniń is-áreketterin úılestiretin shtab quryldy. Kógaldandyrý jumystary bastalyp ketti. Qazirdiń ózinde 26,1 myń gektar alqapqa 80,5 mıllıon aǵash otyrǵyzyldy. Bul sharalar eldiń orman alqabyn 2030 jylǵa qaraı 5% -ǵa jetkizýge múmkindik beredi.

"Aral teńiziniń qurǵaǵan túbine sekseýil otyrǵyzý jeke másele bolyp tabylady. 1990 jyldan 2021 jylǵa deıin 195 myń gektar alqapqa sekseýil otyrǵyzyldy (9%). Birneshe apta buryn óńirge ekspedıııa jóneltilgen bolatyn. Qoldanystaǵy ekpelerdi qaıta qaraý júrgizildi. Tabıǵı shyǵýyn eskere otyryp, aýdany 337 myń ga qurady. Memleket basshysynyń tapsyrmasy boıynsha biz sekseýil otyrǵyzýdyń keshendi baǵdarlamasyn jasap jatyrmyz. 2021-2030 jyldary 1,1 mıllıon gektar jerge sekseýil otyrǵyzý josparlanyp otyr", dedi mınıstr.

Zııandy óteý mólsheri Qyzyl kitapqa engizilgen zańsyz kesilgen ár aǵash úshin 6-dan 1000 AEK-ke deıin ulǵaıtyldy. Sonymen qatar, ákimshilik jáne qylmystyq kodeksterge orman qorynda jáne qalalar men eldi mekender aýmaǵynda aǵashtar men butalardy zańsyz keskeni, joıǵany jáne búldirgeni úshin aıyppuldardy kóbeıtý jáne buzýshylarǵa sankııany kúsheıtý týraly túzetýler engizildi. Sondaı-aq, ósimdikter dúnıesin qorǵaýdyń, ósimin molaıtýdyń jáne paıdalanýdyń barlyq máselelerin zańnamalyq turǵydan ońtaılandyrý maqsatynda Májiliste qaralyp jatqan «Ósimdikter dúnıesi týraly» zań jobasy ázirlendi.

"Adyrna" ulttyq portaly

Pikirler