AQŞ vise-prezidentı Djei Di Venstıŋ Ogaio ştatyndaǧy Sinsinnati qalasyna jaqyn Uolnat-Hillz audanynda ornalasqan üiıne şabuyl jasalǧan, dep habarlaidy "Adyrna" ūlttyq portaly.
Qazır küdıktı qolǧa tüsken. Būl turaly AQŞ qūpiia qyzmetı habarlady.
Vedomstvo mälımetınşe, oqiǧa düisenbıge qaraǧan tünı, tün ortasynan keiın köp ūzamai bolǧan. Qūpiia qyzmet agentterı üi maŋynda kezekşılık atqaryp jürgen sätte tärtıp būzuşyny jedel türde toqtatqan. Küdıktı retınde 26 jastaǧy Uiliam DeFur qamauǧan alynǧan.
Aldyn ala aqparatqa säikes, er adam üidıŋ terezelerın balǧamen syndyryp, ışke kırmek bolǧan. Sonymen qatar ol qūpiia qyzmetke tiesılı avtokölıkke de zaqym keltırgen.
Djei Di Vens būl kezde otbasymen bırge Vaşingtonda bolǧanyn aitty. Ol X äleumettık jelısındegı paraqşasynda oqiǧaǧa qatysty pıkır bıldırıp, jedel äreket etken Qūpiia qyzmet pen Sinsinnati polisiiasyna alǧys aitty.
«Üiımızge jasalǧan şabuylǧa bailanysty jyly lebız bıldırgenderdıŋ barlyǧyna rahmet. Aqylynan adasqan adam terezelerdı balǧamen syndyryp, üige kıruge tyrysqan. Baqytymyzǧa orai, bız ol kezde üide bolǧan joqpyz», — dep jazdy Vens.
Sondai-aq vise-prezident būqaralyq aqparat qūraldaryn balalardyŋ qauıpsızdıgın eskeruge şaqyryp, bülıngen üidıŋ suretterın jariialauǧa saqtyqpen qaraudy ötındı.
Qazırgı taŋda qūpiia qyzmet Sinsinnati polisiiasymen jäne AQŞ prokuraturasymen bırlesıp jūmys jürgızıp jatyr. Küdıktıge naqty qandai aiyp taǧylatyny älı şeşılmegen.
