«Qazaqmys» korporaııasynyń shahterleri óz talaptaryn jetkizý úshin prezıdent Qasym-Jomart Toqaevqa beıneúndeý jasady, dep habarlaıdy "Adyrna" ulttyq portaly QazTAG-qa siltep.
«Biz sizge janaıqaıymyzdy jetkizgimiz keledi. Úsh kún ótti, biraq «Qazaqmys» korporaııasynyń basshylyǵy bizdi adam sanamaıdy, shahterlermen, jumysshylarmen sanaspaıdy. Bizdiń akııamyz qalaı bastaldy? Buǵan deıin biz jumysshylar arasynan bastamashyl top qurdyq. Bul top halyqtyń talap-tilekterin basshylyqqa jetkizýdi maqsat etti, sol úshin jumysshylar óz ókilderin saılady. Alaıda bul ókilderdi UQK qyzmetkerleri qýdalap, jalaqyny kóterý talabymyz úshin sotqa tartamyz dep qorqytty. Bul ereýil de, mıtıng te emes, bul – jumysshylar men jumys berýshi arasyndaǵy eńbek daýy», – dedi shahterlerdiń ókili jer astynda túsirilgen beınejazbada.
Shahterler ınternette taraǵan jalaqy týraly málimetterdiń shyndyqqa janaspaıtynyn aıtty.
«Internette shahterlerdiń eń tómengi jalaqysy 800 myń teńge degen jalǵan aqparat taratylýda. Sońǵy úsh kúnde munda «Qazaqmys» basshylyǵynyń ókilderi, Sátbaev qalasy ákiminiń orynbasary, prokýror túsip, bizben sóılesti. Biz bul kezdesýde úsh talap qoıdyq:
- UQK jáne ishki ister organdary tarapynan bastamashyl top múshelerin qýdalaýdy toqtatý.
- 13-shi jalaqyny tolyq kólemde tóleý. Qazirgi kezde basshylyq tek bazalyq jalaqyny tólep otyr, al biz tolyq kólemde 13-shi jalaqy talap etemiz.
- Jalaqyny 100%-ǵa arttyrý», – dedi shahterler ókili.
Shahterlerdiń aıtýynsha, alǵashqy kúni kelisimge qol jetkizilmegen. Al ekinshi kúni prokýror, ákimdik ókilderi jáne ardagerler shahtaǵa qaıta tússe de, másele sheshilmegen.
«Basshylyq bizben sóılesýden bas tartýda. Biz jalaqyny 100%-ǵa arttyrý talabymyzdy qaıta qarap, 300 myń teńge qosymsha tóleýdi jáne toqsan saıyn 50 AEK kóleminde syıaqy berýdi talap etemiz. Sondaı-aq 13-shi jalaqyny tolyq kólemde tóleýimizdi suraımyz. Bul vıdeoúndeýdi shyndyqty jetkizý úshin jasap otyrmyz. Biz qoǵamdyq tártipti buzbaımyz, zańsyz áreket jasamaımyz. Tek talaptarymyzdyń oryndalýyn suraımyz», – dep málimdedi shahterler.
17 jeltoqsannan bastalǵan ereýilge basqa aımaqtardaǵy shahterler de qoldaý kórsetti. 20 jeltoqsanda Jambyl oblysyndaǵy taǵy bir kenishte kelisimge qol jetkizilgeni týraly habarlandy. Degenmen, Ulytaý oblysyndaǵy shahtaǵa polıııanyń arnaıy jasaǵy kirgeni jaıly aqparat tarady.
