Qazaqstanda jaŋa oiyn aimaqtaryn aşu josparlanyp otyr. Olar Maŋǧystau, Almaty, Şyǧys Qazaqstan jäne Jetısu oblystarynda paida boluy mümkın, dep habarlaidy "Adyrna" ūlttyq portaly turizm jäne sport ministrıne sıltep.
Qabyldanǧan zaŋǧa säikes, Burabai men Qapşaǧaidaǧy qoldanystaǧy oiyn aimaqtarynan bölek, Maŋǧystau oblysyndaǧy Kaspii teŋızınıŋ jaǧalauynda, Jetısu oblysynyŋ Panfilov audanyndaǧy Alaköl kölınıŋ maŋynda, Almaty oblysynyŋ Talǧar audanynda, Şyǧys Qazaqstan oblysyndaǧy Marqaköl aumaǧy men Zaisan audanynda kazino ornalastyru közdelıp otyr. Alaida naqty qai mekende ornalasatyny äzırge belgısız.
Ministrdıŋ aituynşa, oiyn aimaqtary ornalasatyn naqty jer telımderın jergılıktı atqaruşy organdar anyqtaidy. Būl şeşım infraqūrylymnyŋ damuy men özge de faktorlarǧa bailanysty qabyldanady. Erbol Myrzabosynov oiyn aimaqtaryn damytu turizmdı ılgerıletudıŋ bır tetıgı retınde qarastyrylyp otyrǧanyn jäne mūndai täjıribe köptegen elderde qoldanylatynyn atap öttı.
Sondai-aq ministr ärbır jaŋa kazino jylyna biudjetke şamamen 2–3 milliard teŋge kölemınde salyq tüsırıp, 500-ge juyq jūmys ornyn aşuǧa mümkındık beretının aitty. Ol oiyn biznesıne salyqtyq jeŋıldıkter qarastyrylyp jatyr degen aqparatty joqqa şyǧaryp, kazinolar ärbır oiyn üstelı üşın belgılengen tärtıppen salyq töleitının jetkızdı.
