31 tamyz ben 6 qyrküiek aralyǧynda Qyrǧyzstanda ötken VI Düniejüzılık köşpendıler oiyndarynda Qazaqstan qūramasy 74 medal jeŋıp aldy. Būl turaly Sport jäne turizm ministrlıgı mälımdedı, dep habarlaidy «Adyrna”.
Qazaqstan sportşylarynyŋ qorjynynda 32 altyn, 20 kümıs jäne 22 qola jülde bar. Osy nätijemen elımız jalpykomandalyq esepte bırınşı orynǧa jaiǧasty. Ekınşı oryndy 30 altyn medal jeŋıp alǧan Qyrǧyzstan qūramasy ielense, jetı altyn jüldesı bar Resei komandasy üzdık üştıktı tüiındedı.
Jarystyŋ alǧaşqy altyn medaldaryn Qazaqstan qūramasy 2 qyrküiekte audaryspaqtan jeŋıp aldy. Finalda Sailau Mūhammedjan qyrǧyzstandyq qarsylasyn 2:1 esebımen jeŋıp, chempion atandy. Būl — qazaqstandyq sportşylardyŋ biylǧy dübırlı dodadaǧy alǧaşqy altyn jüldelerı.
Sol künı «Köchmöndör jürüşü» halyqaralyq at marafonynyŋ alǧaşqy kezeŋı de aiaqtaldy. Jalpy ūzyndyǧy 300 şaqyrymdy qūraityn jarystyŋ bırınşı künınde qatysuşylar 50 şaqyrymdy eŋserdı. Kezeŋ qorytyndysy boiynşa Qazaqstan qūramasy köş bastady. Ekınşı orynda Qyrǧyzstannyŋ «Ala-Too», üşınşı orynda «Ystyqköl» komandalary ornalasty.
Ūlttyq sport türlerınen qazaqstandyqtar özge de jüldelerge qol jetkızdı. Alyş küresınen 60 kelıge deiıngı salmaqta synǧa tüsken Jandos Äbubäkırov qola medal jeŋıp aldy. Sondai-aq Tūrmahanbet Qalmūhan alyş küresınen jüldeger atandy.
Oiyndardyŋ üşınşı künınde samboşy Bolat Sapar altyn jüldege ie boldy. Qazaqstan qūramasy arqan tartudan da chempion atanyp, qorjynǧa taǧy bır altyn medal qosty. Osy künnıŋ qorytyndysy boiynşa ūlttyq qūrama 12 altyn, 7 kümıs jäne 5 qola medal jinady.
4 qyrküiekte qazaq küresınen 60 kelı salmaqta öner körsetken Ernūr Süleimen jeŋımpaz atandy. Al teŋge ılu saiysynda Qazaqstan atynan synǧa tüsken Baqtybai Qanat altyn medal ielendı.
Osy nätijelerden keiın VI Düniejüzılık köşpendıler oiyndarynyŋ aralyq qorytyndysy boiynşa Qazaqstan qūramasy jalpykomandalyq esepte köş bastady.
Jalpy jarys qorytyndysynda qazaqstandyq sportşylar 32 altyn, 20 kümıs jäne 22 qola medal jeŋıp alyp, jalpykomandalyq esepte bırınşı orynǧa şyqty.
