Saud Arabiiasynda Mekke qalasyndaǧy meşıtterdıŋ bırınde ädepsız äreket jasady dep aiyptalǧan Bangladeştıŋ ekı azamatyna qatysty ölım jazasy oryndaldy, dep habarlaidy "Adyrna" ūlttyq portaly.
Şeteldık BAQ deregınşe, ükım Nazrul İslam Basir men Siti Ahtarǧa qatysty Mekke aimaǧynda jüzege asyrylǧan. Resmi habarlamada olardyŋ qasiettı mekennıŋ kiesın būzyp, meşıt aumaǧynda auyr ädepsız äreket jasaǧany aitylǧan. Alaida oqiǧanyŋ naqty män-jaiy jariialanbady.
Şariǧat soty ıstı qarap, ekı azamatqa da «taǧzir» boiynşa ölım jazasyn taǧaiyndaǧan. Keiın būl şeşımdı Joǧarǧy sot maqūldap, koroldık jarlyqpen ükım oryndalǧan.
Oqiǧa diplomatiialyq dau tuǧyzdy. Bangladeştıŋ Jidda qalasyndaǧy Bas konsuldyǧy ölım jazasynyŋ oryndalatyny turaly aldyn ala habar almaǧanyn mälımdedı. Osyǧan bailanysty Saud Arabiiasynyŋ Syrtqy ıster ministrlıgıne resmi nota joldanǧan.
Bangladeş tarapy sot prosesınıŋ jabyq ötuıne jäne ükımnıŋ oryndaluyna qatysty tüsınıkteme talap etıp otyr.
Keibır basylymdardyŋ jazuynşa, er adam äielınıŋ maŋdaiynan süigenı üşın jazalanǧan boluy mümkın. Alaida būl aqparat resmi türde rastalǧan joq.
