Şyǧys Qazaqstan oblysy Zaisan audanynda er adam otqa oranǧan üiden 4 bala men qart äieldı aman alyp şyqty. Būl turaly ŞQO Tötenşe jaǧdailar departamentınıŋ baspasöz qyzmetı jariialady, dep habarlaidy “Adyrna” ūlttyq portaly.
Aqparatqa säikes, oqiǧa Zaisan audany Ainabūlaq auylynda bolǧan. Şaizadanov köşesındegı jer üide ört şyqqan.
Oqiǧa ornyna №25 ört söndıru bölımınıŋ qyzmetkerlerı kelıp jetkende deiın üi ielerınıŋ körşısı Talǧat Müsırat kömekke ūmtyldy. Ol tereze arqyly üige kırıp, 68 jastaǧy äjenı jäne 7, 5, 4 jäne 1 jastaǧy tört balany syrtqa alyp şyqty. Osylaişa, 5 adamdy örtten qūtqaryp qaldy.
“Köp ūzamai ört söndıruşıler 30 şarşy metr aumaqtaǧy qyzyl jalyndy tolyqtai auyzdyqtady. Zardap şekken eşkım joq. Aldyn ala derek boiynşa örttıŋ şyǧu sebebı - elektr jabdyqtaryn montajdau jäne paidalanu kezındegı qauıpsızdık talaptaryn saqtamau”, - dep habarlady ŞQO Tötenşe jaǧdailar departamentınıŋ baspasöz qyzmetı.
