26 jeltoqsanda Qazaqstan Prezidentı Qasym-Jomart Toqaev tarihi-mädeni mūra obektılerın qorǧau mäselelerı boiynşa tüzetulerge qol qoidy. Būl turaly Aqordanyŋ baspasöz qyzmetı resmi habarlama jariialady, dep habarlaidy "Adyrna".
"Memleket basşysy "Tarihi-mädeni mūra obektılerın qorǧau jäne bılım beru-sauyqtyru qyzmetterı mäselelerı boiynşa Qazaqstan Respublikasynyŋ keibır zaŋnamalyq aktılerıne özgerıster men tolyqtyrular engızu turaly" zaŋǧa qol qoidy".
Zaŋnyŋ maqsaty – tarihi-mädeni mūra obektılerın qorǧau jäne bılım beru-sauyqtyru qyzmetı salasyndaǧy zaŋnamany jetıldıru.
Zaŋda tömendegıler közdelgen:
- arheologiialyq zertteuler barysynda anyqtalǧan tarihi-mädeni mūra obektılerı turaly mälımetterdı jinau üşın arheologiialyq jūmystarǧa arnalǧan bıryŋǧai avtomattandyrylǧan aqparattyq jüie qūru;
- tarihi-mädeni mūra obektılerın qorǧau maqsatynda jer uchaskelerın beru jäne jer paidalanu tärtıbın jetıldıru;
- arheologiialyq oljalar men arheologiialyq materialdardy beru, saqtau jäne paidalanu tärtıbın retteu;
- arheologiialyq oljalar men materialdardy ortalyqtandyrylǧan türde jinau, oqşaulau jäne saqtau üşın memlekettık qor men jappai arheologiialyq oljalardyŋ ūlttyq depozitariiın qūru;
- arheologiialyq jūmystardy olardyŋ erekşelıgı men qarjylandyru tetıkterın eskere otyryp, jospardan tys (aldyn alu) jäne josparly jūmystarǧa bölu;
- tarihi-mädeni mūra obektılerın qorǧau jäne paidalanu salasyndaǧy qoldanystaǧy ūiymdardyŋ qyzmetın jüzege asyrudyŋ bıryŋǧai tärtıbın aiqyndau;
- arheologiialyq jūmystar jürgızu kezınde tehnikalyq qūraldardy paidalanu tärtıbın retteu;
- arheologiialyq jūmystar barysynda anyqtalǧan tarihi-mädeni mūra obektılerı üşın qorǧau aimaqtaryn belgıleu.
Ūqsas jaŋalyqtar
