Oŋtüstık Koreia prokuraturasy būrynǧy prezident Iýn Sok Iolge qatysty qozǧalǧan qylmystyq ısterdıŋ bırınde 10 jylǧa bas bostandyǧynan aiyru jazasyn sūrady. Būl negızgı aiyp boiynşa emes, tek aiyptardyŋ bırıne qatysty, dep habarlaidy "Adyrna".
Arnaiy prokuratura ökılderınıŋ aituynşa, Iýn öz äreketterın jasyru jäne aqtau üşın memlekettık instituttardy «jekeşelendırıp», «auyr qylmys» jasaǧan.
«Aiyptaluşynyŋ qylmystyq äreketterı Koreia Respublikasyndaǧy zaŋdylyqqa eleulı nūqsan keltırıp, bilıktı senıp tapsyrǧan azamattarǧa ülken ziian tigızdı», - delıngen prokuratura mälımdemesınde.
Sondai-aq eks-prezident sot prosesı barysynda ökınış nemese keşırım bıldırmegenı, kerısınşe, äskeri jaǧdai engızu zaŋdy boldy degen ūstanymyn saqtaǧany atap ötıledı.
Sūralǧan jaza ädıl sot törelıgıne kedergı keltıru jäne soǧan bailanysty bırqatar äreketter boiynşa qoiylǧan aiyptarǧa qatysty. Aiyptau nūsqasyna säikes, būl äreketter 2024 jyldyŋ jeltoqsanynda Iýn Sok Ioldıŋ elde äskeri jaǧdai engızuge jasaǧan äreketı aiasynda oryn alǧan.
Prokuratura deregınşe, eks-prezident qaŋtar aiynda tergeuşılerdıŋ özın ūstauyna kedergı keltırgen. Äskeri jaǧdai engızu jospary qaralǧan otyrysqa şaqyrylmaǧan toǧyz ministr kabinetınıŋ müşesınıŋ qūqyqtaryn būzǧan. Äskeri jaǧdai joiylǧannan keiın qaita qaralǧan proklamasiia mätının jasap, keiın ony joiǧan.
Sonymen qatar Iýnǧa rejim engızu turaly jalǧan aqparatty baspasözge taratuǧa nūsqau beru, sol kezeŋdegı äskeri qolbasşylardyŋ qorǧalǧan qyzmettık telefondaryndaǧy jazbalardy öşıru aiyptary taǧylyp otyr.
Aiyptauşy tarap epizodtar boiynşa mynadai jazalardy sūrady:
-
5 jyl — ūstauǧa kedergı keltırgenı üşın;
-
3 jyl — ministrlerdıŋ qūqyqtaryn būzu, şeteldık baspasözde jalǧan aqparat taratu jäne telefon derekterın joiu üşın;
-
2 jyl — jaŋartylǧan proklamasiia mätının daiyndaǧany üşın.
Qazırgı uaqytta Iýn Sok Iol äskeri jaǧdai engızuge talpynysqa bailanysty taǧy üş sot ısıne qatysyp jatyr. Onyŋ ışınde negızgısı — bülıkke basşylyq ettı degen aiyp.
Ädıl sot törelıgıne kedergı keltıru ısı bırınşı bolyp aiaqtalady: ükım 16 qaŋtarda, Iýnnyŋ qamau merzımı aiaqtaluyna ekı kün qalǧanda jariialanady.
Qorǧau tarapy bülık ısı boiynşa şeşımdı basqa ıs aiaqtalǧanşa keiınge qaldyrudy sūraǧanymen, sot būl ötınıştı qanaǧattandyrmady. Bülıkke qatysty ıstı qarau qaŋtardyŋ basynda aiaqtalyp, ükım aqpan aiynda şyǧuy mümkın.
Eske salaiyq, Iýn Sok Iol 4 säuırde elde äskeri jaǧdai engızu äreketınıŋ sätsız aiaqtaluyna bailanysty qyzmetınen şettetılgen. Sol kezde el tarihynda alǧaş ret qyzmettegı prezidentke qatysty qamauǧa alu orderı berılgen edı.
