Burynǵy Qorǵanys mınıstri Murat Bektanov 20 maýsymǵa deıin qamaýda bolady. Bul týraly Almaty qalalyq soty baspasóz hatshysynyń mindetin atqarýshy Nursultan Orynbasarov málimdedi, dep habarlady "Adyrna" ulttyq portaly.
«Eks-mınıstr Murat Bektanov 20maýsymǵan deıin tutqynda bolady. Qamaýda ustaý merzimi Almaty qalasynyń aýdanaralyq tergeý sotynyń sheshimimen taǵy bir aıǵa uzartyldy. Tutqynda ustaý merzimin uzartý týraly sheshim 13 mamyrda qabyldanǵan bolatyn, – dedi Orynbasarov.
Eske salaıyq, 9 qańtar kúni Murat Bektanov Qorǵanys mınıstri laýazymynan bosatylǵan edi. Memleket basshysy Qasym-Jomart Toqaev mınıstrdiń komandırlik qabilet kórsete almaǵanyn synǵa aldy.
19 aqpanda Bas prokýratýrasy burynǵy Qorǵanys mınıstri Murat Káribaıuly Bektanovqa qatysty Qazaqstan Respýblıkasy Qylmystyq kodeksiniń 452-baby áreketsizdik faktisi boıynsha sotqa deıingi tergep-tekserýdi bastaǵan bolatyn.
"Adyrna" ulttyq portaly
