1 säuırden bastap Qazaqstan Respublikasy Ükımetı men Koreia Respublikasy Ükımetı arasyndaǧy qazaqstandyq azamattarǧa qatysty vizalyq talaptardy özara joiu turaly kelısım qoldanysyn jaŋǧyrtu qalpyna keltırıledı. Būl turaly “Adyrna” ūlttyq portaly SIM baspasöz qyzmetıne sılteme jasap habarlaidy.
Būǧan deiın Oŋtüstık Koreia COVID-19 pandemiiasyna bailanysty atalǧan kelısımdı toqtatqan edı. Endı Qazaqstan azamattary – ūlttyq pasport ielerı – Koreia Respublikasyna 30 künnen aspaityn merzımge vizasyz qaita kıre alady.
Koreia Respublikasynda eŋbek etuge, bılım aluǧa nemese Oŋtüstık Koreia aumaǧynda tūru nietı bolǧan jaǧdaida būl viza jaramsyz.
«Būdan basqa, Koreia Respublikasyna sapar şegetın azamattarǧa osy elde qoldanylatyn epidemiiaǧa qarsy şaralar turaly aqparatty Qazaqstan Respublikasyndaǧy Koreia Respublikasynyŋ konsuldyq mekemelerınde aldyn ala naqtylauǧa keŋes beremız», – delıngen habarlamada.
“Adyrna” ūlttyq portaly
