foto: zakon.kz
Qazaqstan Reseidı ainalyp ötetın halyqaralyq kölık dälızı — TRASEKA aiasynda bıryŋǧai tranzittık rūqsat (BTR/ETR) engızu turaly kelısımge qol qoiudy josparlap otyr. Būl jönınde ükımet qaulysy jobasynda aitylǧan, dep habarlaidy "Adyrna" portaly QazTAG agenttıgıne sıltep.
Qūjatta körsetılgendei, kelısım tarap memleketterdıŋ aumaqtary arqyly avtokölıkpen jüzege asyrylatyn halyqaralyq jük tasymaldaryn bıryŋǧai tranzittık rūqsat negızınde retteudı közdeidı. Sonymen qatar rūqsatty beru jäne paidalanu tärtıbı, sondai-aq TRASEKA şeŋberındegı tranzitke qatysty özge de normalar aiqyndalady.
Kelısımnıŋ negızgı maqsaty — halyqaralyq avtokölık tasymaldaryn jeŋıldetu jäne jedeldetu, räsımderdıŋ aşyqtyǧyn arttyru, sifrlandyrudy küşeitu, sondai-aq TRASEKA baǧyttary boiynşa tranzittık jük aǧyndaryn ūlǧaitu.
Qūjatqa säikes, alǧaşqy praktikalyq nätijeler kelısım küşıne engennen keiın kütıledı. Ol üşın taraptardan törtınşı resmi habarlama alynǧan soŋ 30 kün ötuı tiıs. Bıryŋǧai tranzittık rūqsatty paidalanu jyl saiyn 1 qaŋtardan kelesı jyldyŋ 31 qaŋtaryna deiıngı kezeŋdı qamtidy. Būl tasymaldardy tūraqty josparlauǧa jäne boljamdylyqty arttyruǧa mümkındık beredı.
Sondai-aq kelısımdı ıske asyru qūzyrly memlekettık organdar arasyndaǧy üilestırudı jaqsartyp, şekaradan ötu uaqytyn qysqartuǧa jäne tranzittık tasymaldarǧa baqylau tiımdılıgın arttyruǧa baǧyttalǧan.
Aita keteiık, TRASEKA — 1993 jyly Europalyq odaqtyŋ bastamasymen qūrylǧan halyqaralyq baǧdarlama. Ol «Europa – Kavkaz – Aziia» kölık dälızın damytuǧa baǧyttalǧan jäne Qazaqstandy qosa alǧanda 13 eldı bırıktıredı. Baǧdarlama Qara teŋız, Kavkaz jäne Kaspii teŋızı arqyly ötetın temırjol, avtomobil, teŋız jäne äue marşruttaryn damytuǧa, sondai-aq dästürlı baǧyttarǧa balama kölık joldaryn qalyptastyruǧa mümkındık beredı.
