Bügın, 22 tamyzda Almatyda janarmai qūiu stansiiasynda ırı ört oryn aldy, dep habarlaidy “Adyrna” ūlttyq portaly qalalyq tötenşe jaǧdailar departamentınıŋ baspasöz qyzmetıne sıltep.
«22 tamyzda saǧat 16.48-de Alatau audanynyŋ ört söndıruşılerı Aqqainar köşesı 1/18 «Gazpromneft» JQS mekenjaiyna şūǧyl şaqyrtumen jettı. Saǧat 16.55-te jetken tötenşe jaǧdai qyzmetkerlerı «Gazprom» gaz toltyru stansasynyŋ aumaǧynda «Toiota Hailander» avtokölıgı aşyq jalynmen janyp jatqanyn anyqtady. Ört ystyqtan erıgen gazdy su jylytqyşqa ötkızıp, jarylys qaupın tuǧyzǧan», - delıngen habarlamada.
Ört saǧat 17.00-de söndırıldı dep habarlandy. Gaz jabdyqtary men rezervuardy şaiyp, salqyndatu jūmystary jürgızıldı.
«Eşqandai zardap şekkender joq. Oqiǧa ornyna 10 jedel järdem qyzmetkerı men ekı tehnika şyqty», - delıngen habarlamada.
Sondai-aq ört söndıruşı Eldar Moldabaevtyŋ öz ömırın qaterge tıgıp, otqa oranǧan janar-jaǧarmai qūiylǧan gaz dispenserınıŋ şümekterın jauyp, sol arqyly janar-jaǧarmai qūiu beketındegı jarylystyŋ aldyn alǧany aityldy.
Ūqsas jaŋalyqtar
