Bügın Astana qalasynda Prezident janyndaǧy Ortalyq kommunikasiialar qyzmetınıŋ alaŋynda ötken brifing barysynda Batys Qazaqstan oblysynyŋ äkımı Nariman Töreǧaliev öŋırdıŋ äleumettık-ekonomikalyq damu qorytyndylary jönınde baiandady.
Öŋır basşysy öz sözınde Memleket basşysy Qasym-Jomart Toqaevtyŋ Joldauynda jüktelgen mındetterdıŋ oblysta jüielı türde jüzege asyp jatqanyn atap öttı.
Oblys äkımınıŋ aituynşa BQO-da ötken jyldyŋ qorytyndysymen oblys ekonomikasynyŋ negızgı salalary boiynşa tūraqty ösımge qol jetkızgen. Biyl da ekonomikanyŋ ösu qarqyny saqtaluda.
Atap aitqanda, qūrylys salasyndaǧy jūmystar kölemı 9%-ǧa, tūrǧyn üidı paidalanuǧa beru körsetkışı 4,1%-ǧa artyp, negızgı kapitalǧa salynǧan investisiialar 1,2%-ǧa östı. Işkı sauda kölemı 0,7%-ǧa , kölık qyzmetterı 1,2%-ǧa, bailanys qyzmetterı 6,2%-ǧa, önerkäsıp 3,6%-ǧa, al auyl şaruaşylyǧynyŋ jalpy önımı 6,4%-ǧa artty.
Jyl basynan berı oblysqa 567 mlrd teŋge kölemınde investisiia tartylyp, onyŋ 80 paiyzy teŋgesı – jeke sektordyŋ ülesın qūraǧan.
Aldaǧy bes jylda 4,4 trln teŋgege 10 myŋnan astam jaŋa jūmys ornyn qūrumen 73 ırı investisiialyq jobany jüzege asyru josparlanyp otyr.
BQO-nyŋ öŋdeu önerkäsıbınıŋ kölemı 17 paiyzǧa ösıp, 303 mlrd teŋgenı qūrady. Tıkelei şeteldık kapitaldy tartu maqsatynda biyl Chehiia, Resei, İran, Qytai jäne Oŋtüstık Koreia elderıne baryp bırqatar äleuettı investorlarmen kelıssözder jürgızılgen. Nätijesınde, önerkäsıp, qūrylys, medisina, energetika jäne auyl şaruaşylyǧy salalarynda jalpy qūny 1 trln teŋge bolatyn jobalar boiynşa memorandumdarǧa qol qoiyldy.
Agroönerkäsıp baǧytynda 50,6 mlrd teŋge kölemınde qoldau körsetıldı. Auyl şaruaşylyǧynyŋ jalpy önım kölemı 6,4%-ǧa artyp, 281 mlrd teŋgege jettı.
2025–2027 jyldary auyl şaruaşylyǧy salasynda jalpy qūny 68,1 mlrd teŋgenı qūraityn 54 investisiialyq jobany jüzege asyru arqyly 870 jūmys orynyn qūru josparlanǧan.
Al biyldyŋ özınde jalpy qūny 15,4 mlrd teŋge bolatyn 18 joba ıske asyryluda.
BQO äkımınıŋ bastamasymen oblysta «Qaladan auylǧa» jobasy ıske qosylǧan bolatyn. Qysqa merzım ışınde-aq auyl tūrǧyndary men qonys audaruşylar tarapynan keŋ qoldau tapqan. Joba aiasynda qala aimaqtarynan myŋǧa juyq tūrǧyny bar 195 otbasy auylǧa qonys audardy. Onyŋ 600-y bala.Qonys audarǧan otbasylardyŋ barlyǧy da baspanamen qamtamasyz etılıp, tūraqty jūmysqa ornalasqan.
Öŋır ekonomikasynyŋ damuyna şaǧyn jäne orta käsıpkerlık zor ülesın qosyp keledı. Ötken üş jylda oblysta jūmys ıstep tūrǧan şaǧyn jäne orta käsıpkerlık subektılerınıŋ sany 57,6 myŋnan 59,2 myŋǧa nemese 2,7%-ǧa ösken. Atalǧan salada 130 myŋǧa juyq adam jūmyspen qamtylǧan. Öŋırlık önımdegı şaǧyn jäne orta käsıpkerlıktıŋ ülesı 36,7% deŋgeiıne jettı. Būl körsetkış boiynşa BQO respublikada aldyŋǧy bestıkte.
Memleket basşysynyŋ tapsyrmalaryn jüzege asyru arqyly öŋır tūrǧyndarynyŋ ömır sapasyn arttyruǧa baǧyttalǧan jüielı jäne naqty jūmystar atqarylǧan.
Mäselen, densaulyq saqtau salasynda 2023 jyldan berı 52 densaulyq saqtau nysany salyndy. Onyŋ ışınde «Auylda densaulyq saqtaudy jaŋǧyrtu» ūlttyq jobasy aiasynda 50 medisinalyq nysan paidalanuǧa berılgen.
Balalardyŋ sapaly bılım aluyna qolaily jaǧdai jasau maqsatynda 2023 jyldan berı öŋırde 27 jaŋa mektep paidalanuǧa berıldı. Onyŋ 9-y«Keleşek mektepterı» jobasy aiasynda salyndy. Jyl soŋyna deiın taǧy 3 jaŋa mektep el igılıgıne berılmek.
2023–2025 jyldary sport infraqūrylymyn damytu maqsatynda 12 sport nysany paidalanuǧa berıldı.
Memleket basşysynyŋ oblysqa jūmys sapary barysynda bergen tapsyrmasyna säikes Oral qalasynda 1200 oryndyq zamanaui sport keşenı el igılıgıne berıldı.
Biyl 9 sport nysanynyŋ qūrylysy jalǧasuda, olardyŋ beseuın jyl soŋyna deiın aiaqtau josparlanyp otyr.
Soŋǧy üş jylda BQO-da 11 mädeniet üi jäne mädeni-sporttyq keşen paidalanuǧa berıldı. Biyl 7 mädeniet nysanynyŋ qūrylysy jürgızılıp jatyr, olardyŋ 4 jyl soŋyna deiın ıske qosylady.
BQO-da 1 500 şaqyrym avtomobil joldary jöndeuden ötken. Sonyŋ ışınde jalpy ūzyndyǧy 560 şaqyrym bolatyn 56 eldı mekende kıre berıs jol jöndeldı.
“Memleket basşysynyŋ tapsyrmasyna säikes, oblys ortalyǧy men oŋtüstık audandar – Kaztalov, Jänıbek, Bökei Ordasy baǧytyndaǧy kölık qatynasyn jaqsartu maqsatynda jalpy ūzyndyǧy 245 şaqyrym jol kürdelı jöndeuden ötken. Öŋırlık turistık kartanyŋ TOP-50 nysanyna engen, respublikalyq maŋyzy bar «Han Ordasy» mūrajai-qoryǧyna aparatyn ūzyndyǧy 21 şaqyrym jol jöndeuden ötkızıldı. Sonymen qatar, 4 temırjol vokzaly jaŋǧyrtyluda”,- dedı BQO äkımı Nariman Töreǧaliev.
