Batys Qazaqstan oblysynda Aqjaıyq aýdany Taıpaq aýyly tusyndaǵy Jaıyq ózenináń sý deńgeıi 633 santımetrge jetti. Bul týraly Qazgıdromet jarııalady, dep habarlaıdy “Adyrna” ulttyq portaly.
29 sáýir kúngi tańǵy saǵat 08.00-degi málimet boıynsha sý deńgeıi Taıpaqta bir táýlikte 27 santımetrge joǵarylady.
Aıta ketsek, qaýipti shegi – 850 sm.
Jaıyq oblystyń basqa jerlerinde saıabyrsyp, qalypqa túsip keledi. Atap aıtqanda, Báıterek aýdany Ianvarev aýylyndaǵy gıdrobekette 844 (-10, qaýipti shegi – 1 250 sm), Oral qalasynda 838 (-8, 850 sm), Kóshimde 846 (-3, 850 sm) santımetrdi kórsetti.
Batys Qazaqstannyń ózge ózenderinde de sý deńgeıi tómendeýde.
