Amerikalyq mūnai-gaz kompaniiasy Chevron Kaspii qūbyr konsorsiumy terminalyna jasalǧan şabuylǧa bailanysty pıkır bıldırdı, dep habarlaidy "Adyrna" ūlttyq portaly RİA Novosti agenttıgıne sıltep.
Kaspii qūbyry jelısı mūnai qūbyry jüiesınıŋ köptegen elderdıŋ energetikalyq qauıpsızdıgı üşın asa maŋyzdy eksporttyq baǧyt ekenın atap öttı.
Kompaniia mälımdemesınde:
«Kaspii qūbyr konsorsiumy – Qazaqstanda öndırıletın mūnaidy halyqaralyq naryqtarǧa jetkızetın negızgı eksporttyq marşrut. Onyŋ üzdıksız jūmysy tek öndıruşıler üşın ǧana emes, sonymen qatar osy tasymaldau jüiesıne energetikalyq qauıpsızdık tūrǧysynan täueldı köptegen elder üşın de şeşuşı maŋyzǧa ie», - delıngen.
29 qaraşa künı Kaspii qūbyry jelısınıŋ üş syrtqy ailaqtarynyŋ bırı mūnai terminalyna jasalǧan şabuyl saldarynan qatty zaqymdandy. Konsorsium qyzmetkerlerı men merdıgerler arasynda zardap şekkender joq.
Qazaqstannyŋ energetika ministrlıgı būl oqiǧaǧa bailanysty pıkır bıldırıp, azamattyq maqsattaǧy maŋyzdy infraqūrylym nysandaryna jasalǧan mūndai şabuyldardyŋ jol berılmeitının aitty. Sondai-aq ministrlık eksporttyq mūnai kölemın balama baǧyttarǧa qaita bölu boiynşa şūǧyl jospar ıske qosylǧanyn habarlaǧan edı.
