Germaniia kanslerı Fridrih Mers DW arnasyna bergen sūhbatynda AQŞ äzırlegen Ukrainadaǧy soǧysty toqtatu jönındegı “beibıt josparymen” Berlin tek 21 qaraşada ǧana tanysqanyn aitty. Onyŋ sözınşe, Germaniia bilıgı 28 tarmaqtan tūratyn qūjatty ötken jūmada alǧan, dep habarlaidy “Adyrna”.
Merstıŋ aituynşa, däl sol künı ol AQŞ prezidentı Donald Trampen telefon arqyly söilesıp, qūjatty talqylaǧan. Kansler Vaşington ūsynǧan kei tarmaqtar boiynşa kelısuge bolatynyn, al keibır mäseleler Germaniia üşın qabyldanbaitynyn atap ötken. Sonymen bırge ol Trampqa Berlinnıŋ Ukraina egemendıgın tolyq qoldaitynyn jetkızgen.
Būǧan deiın Berliner Zeitung gazetı Germaniia bilıgı būl jospar turaly qazan aiynyŋ soŋynda-aq habardar bolǧan dep jazǧan edı. Gazet deregı bırneşe reseilık mediada keŋınen taratyldy. Alaida Mers būl mälımettı joqqa şyǧardy.
Kansler Tramp qoiǧan merzım – 27 qaraşaǧa deiın barlyq tarmaqty kelısu mümkın emestıgın aitty. Osyǧan bailanysty qazırgı maqsat – kem degende aralyq nätijelerge qol jetkızu.
Mers äsırese AQŞ “beibıt josparyna” engızgen dauly tarmaqty synǧa aldy: qūjatqa säikes, Ukrainada paidalanylatyn Resei aktivterınen tüsetın paidyŋ jartysy AQŞ-qa berıluı tiıs. Kanslerdıŋ aituynşa, EO aumaǧynda, äsırese Briusselde ornalasqan reseilık aktivterdı AQŞ-qa beru "mülde mümkın emes" jäne Europanyŋ kelısımınsız mūndai şeşım jüzege aspaidy.
23 qaraşada Fridrih Mers Reseidıŋ Ukrainaǧa qarsy soǧysyn toqtatu jönınde Germaniianyŋ öz ūsynysyn jariialady. Būl bastama – AQŞ äzırlegen 28 tarmaqtyq jospardyŋ yqşamdalǧan nūsqasy. Nemıs ūsynysy Jenevada ötken EO, AQŞ jäne Ukraina ökılderınıŋ kelıssözderınde talqylanǧan.
