AQŞ-tyŋ būrynǧy prezidentı Djo Baidennıŋ ūly Hanter Baiden Donald Trampty Nobel beibıtşılık syilyǧyna «ūsynatynyn» mälımdep, onyŋ syrtqy saiasatqa qatysty mälımdemelerın äjualady. Būl turaly 2 şılde künı Hanter Baiden X äleumettık jelısındegı resmi paraqşasynda jazdy, dep habarlaidy “Adyrna”.
Jazbada ol Tramptyŋ İranmen aradaǧy qaqtyǧysty bırneşe märte «toqtatqany» ironiialyq sarynda sipattalǧan.
«Men Donald Trampty Nobel beibıtşılık syilyǧyna resmi türde ūsynamyn. Tarihta eşbır prezident bır soǧysty osynşama ret aiaqtaǧan emes. CNN mälımetınşe, ol İranmen qaqtyǧysty kemınde 38 ret toqtatqan. Būl – Nobel komitetınıŋ nazaryn audaruǧa laiyq rekord», – dep jazdy ol.
Jariialanym qysqa uaqyt ışınde 6,8 millionnan astam qaralym jinady.
Būl jazba arqyly Hanter Baiden Donald Tramptyŋ Taiau Şyǧystaǧy jaǧdaiǧa qatysty bırneşe märte jasaǧan optimistık mälımdemelerın keleke etken. Būǧan deiın CNN arnasy Tramptyŋ sözderı men äleumettık jelıdegı jariialanymdaryna taldau jasap, onyŋ İranmen qaqtyǧys ıs jüzınde aiaqtaldy nemese beibıt kelısım jaqyn degen mazmūndaǧy pıkırdı kemınde 38 ret aitqanyn habarlaǧan.
Hanter Baiden jazbasynyŋ soŋyn Tramp jiı qoldanatyn «Osy mäselege nazar audarǧandaryŋyz üşın raqmet» degen tırkespen aiaqtap, mysqylyn odan ärı küşeitken.
Äzırge Donald Tramp nemese onyŋ komandasy būl jazbaǧa qatysty pıkır bıldırgen joq.
Osy uaqytta älemdık mūnai naryǧynda da özgerıster baiqaldy. AQŞ pen İran arasyndaǧy qarym-qatynastyŋ jaqsaruy mümkın degen ümıt aiasynda Brent markaly mūnai baǧasy soŋǧy bırneşe aidaǧy eŋ tömengı deŋgeilerdıŋ bırıne tüstı. Londondaǧy ICE birjasynda qyrküiek aiyndaǧy Brent fiuchersterınıŋ baǧasy 1,1 paiyzǧa tömendep, bır barrelı 70,78 dollardy qūrady.
