AQŞ memlekettık hatşysy Marko Rubio Jenevadaǧy Ukrainaǧa arnalǧan beibıt jospar jönındegı joǧary deŋgeilı kezdesulerden keiın Vaşingtonǧa oraldy, dep habarlaidy «Adyrna» tılşısı BBC-ge sılteme jasap.
Ol tehnikalyq deŋgeidegı talqylaular jalǧasatynyn aityp, «maqsatymyzǧa jaqyn arada jetemız» degen pıkır bıldırdı.
AQŞ-tyŋ basqa resmi ökılderınıŋ Jenevadan ketken-ketpegenı belgısız. Būǧan deiın Rubio AQŞ tarapynan būl jūmysqa tartylǧan ärtürlı deŋgeidegı mamandar bar ekenın aitqan edı.
Jeksenbı künı Jenevadaǧy kelıssözder aiaqtalǧannan keiın Rubio soǧysty toqtatu jospary boiynşa ukrainalyq resmi tūlǧalarmen jürgızılgen talqylauda «aitarlyqtai progress» bolǧanyn mälımdedı.
«Bız aitarlyqtai progreske qol jetkızdık jäne ädıl ärı tūraqty beibıtşılıkke qarai alǧa jyljudamyz», - dedı ol.
Aituynşa, būl kezdesu — Tramp bilıkke qaita kelgelı berı AQŞ pen Ukraina arasynda bolǧan eŋ nätijelı kelıssözderdıŋ bırı.
CNN-nıŋ habarlauynşa, tüpkılıktı kelısımge qol qoiu üşın Donald Tramp pen Ukraina prezidentı Vladimir Zelenskiidıŋ maqūldauy qajet. Sonymen qatar Resei de būl jospardy qoldauy tiıs.
Būǧan deiın Şveisariia astanasynda Ūlybritaniia, Fransiia, Germaniia, Ukraina jäne AQŞ ökılderınıŋ Resei men Ukraina arasyndaǧy daǧdarysty retteu perspektivasyna qatysty kelıssözderı bastalǧany habarlanǧan edı.
