Narhoz ýnıversıteti Ýkraına azamattaryna bilim granttaryn usynady. Oqýǵa túsý úshin árbir adam suhbattan ótýi mindetti. Ýkraına azamattarynan qujattardy qabyldaý 16 mamyrda bastalady, dep habarlaıdy «Adyrna» ulttyq portaly.
Granttardy Ýkraına azamattary, ıaǵnı 2022 jyly mektep bitirýshiler men Ýkraına nemese Reseı ýnıversıtetterinen aýystyrylǵan stýdentter ala alady.
Bilim granty oqý aqysyn 100% óteıdi jáne jataqhanada tegin turý men jol júrý shyǵyndaryn qamtamasyz etedi.
Tıisti sheshimdi Narxoz ýnıversıtetiniń basqarma músheleri biraýyzdan qabyldady.
«Narhoz ýnıversıtetine túsý úshin bitirýshiniń sertıfıkatynyń ortasha akademııalyq baly 5,00-den keminde 4,00 (nemese 80%) bolýy kerek. Ýkraınanyń nemese Reseıdiń ýnıversıtetterinen aýysýdy josparlaǵan stýdentter 2021 jyldyń kúzgi semestrinen keıin nemese 2022 jyldyń kóktemgi semestrinen keıingi jalpy GPA baǵalary boıynsha aldyńǵy ýnıversıtette keminde 70% bolǵan jaǵdaıda Narxoz-qa túse alady. Sondaı-aq árbir adam suhbattan ótýi mindetti. Ýkraına azamattarynan qujattardy qabyldaý 16 mamyrda bastalady» , dep habarlady Ýnıversıtettiń baspasóz qyzmeti.
Aıta keteıik, Narhoz ýnıversıteti – bolashaq ekonomısterdi, qarjygerlerdi, aýdıtorlardy, esepshilerdi, marketologtardy, zańgerlerdi, menedjerler men ıfrlyq tehnologııalar, qonaqjaılylyq, týrızm jáne memlekettik basqarý salasyndaǵy mamandardy daıyndaıtyn Almaty qalasynda ornalasqan jetekshi jekemenshik ýnıversıtet.
«Adyrna» ulttyq portaly
