Prezıdent Qasym-Jomart Toqaev Parlamenttiń eki palatasynyń birlesken otyrysynda Qazaqstan halqyna «Halyq birligi jáne júıeli reformalar – el órkendeýiniń berik negizi» atty Joldaýyn jarııalady, dep habarlaıdy «Adyrna» tilshisi.
Onda ol basshysy júz myńnan astam jańa IT-mamandaryn daıarlaýdy tapsyryp, oqytýshylardy daıarlaý úshin memlekettik bıýdjetten 1,2 trln teńge bólinetinin aıtty.
Sonymen qatar, 2025 jylǵa deıin elimizde 1 myń mektep salýdy aldaǵy mindet etip qoıdy.
QR Prezıdenti Qasym-Jomart Toqaev: «Orta bilim berý júıesindegi túıtkildi máseleniń biri – mekteptegi oryn tapshylyǵy. Qazirgi ýaqytta tapshylyq 225 myń oryndy quraıdy. Bul máselege qatysty sharýany búginnen bastap qolǵa almasaq, onda 2025 jylǵa qaraı mekteptegi oryn tapshylyǵy bir mıllıonǵa jetýi múmkin. Buǵan deıin 2025 jyldyń sońyna deıin el boıynsha 800 mektep salýdy tapsyrsam, búgin ol kórsetkishti 1 myńǵa jetkizý mindetin qoıamyn»,– dedi.
Memleket bashysynyń bul pármeni Almaty qalasynda qarqyndy júzege asýda. Bul týraly shahar basshysy Almaly aýdanynyń turǵyndarymen kezdesý barysyn da aıtyp berdi.
Almaty ákimi Erbolat Doseav Almaly aýdanynyń turǵyndarymen kezdesý kezinde aımaqtaǵy orta bilim berý salasynda oqýshy oryndarynyń tapshylyǵyn azaıtý jáne bilim berý obektilerin jóndeý boıynsha josparly jumys qalaı júrgizilip jatyr degen suraqqa jaýap berip ótti.
Shahar basshysynyń sózine sensek, bıylǵy jyldyń basynda 2 mekteptiń (№34 jáne 144 gımnazııalar) 850 oryndyq 2 qosymsha qurylysy paıdalanýǵa berildi.
Birer kúnnen keıin, naqtylasaq, 10 qarashada Qabanbaı batyr kóshesinde 850 oryndyq «Prometheus school» jeke menshik mektebi ashylady. № 15 gımnazııany seısmıkalyq kúsheıte otyryp, kúrdeli jóndeý jumystary júrgizilýde, 2023 jyldyń shilde aıynda paıdalanýǵa beriledi.
«Kelesi jyldyń III-shi toqsanynyń basynda №136 jáne 58 mekteptiń ǵımarattaryn kúrdeli jóndeýden ótkizip, seısmıkalyq kúsheıtý úshin jobalaý-smetalyq qujattama ázirlenetin bolady», – dedi Almaty qalasynyń ákimi Erbolat Dosaev.
