Prezident Qasym-Jomart Toqaev Parlamenttıŋ ekı palatasynyŋ bırlesken otyrysynda Qazaqstan halqyna «Halyq bırlıgı jäne jüielı reformalar – el örkendeuınıŋ berık negızı» atty Joldauyn jariialady, dep habarlaidy «Adyrna» tılşısı.
Onda ol basşysy jüz myŋnan astam jaŋa IT-mamandaryn daiarlaudy tapsyryp, oqytuşylardy daiarlau üşın memlekettık biudjetten 1,2 trln teŋge bölınetının aitty.
Sonymen qatar, 2025 jylǧa deiın elımızde 1 myŋ mektep saludy aldaǧy mındet etıp qoidy.
QR Prezidentı Qasym-Jomart Toqaev: «Orta bılım beru jüiesındegı tüitkıldı mäselenıŋ bırı – mekteptegı oryn tapşylyǧy. Qazırgı uaqytta tapşylyq 225 myŋ oryndy qūraidy. Būl mäselege qatysty şaruany bügınnen bastap qolǧa almasaq, onda 2025 jylǧa qarai mekteptegı oryn tapşylyǧy bır millionǧa jetuı mümkın. Būǧan deiın 2025 jyldyŋ soŋyna deiın el boiynşa 800 mektep saludy tapsyrsam, bügın ol körsetkıştı 1 myŋǧa jetkızu mındetın qoiamyn»,– dedı.Memleket başysynyŋ būl pärmenı Almaty qalasynda qarqyndy jüzege asuda. Būl turaly şahar basşysy Almaly audanynyŋ tūrǧyndarymen kezdesu barysyn da aityp berdı. Almaty äkımı Erbolat Doseav Almaly audanynyŋ tūrǧyndarymen kezdesu kezınde aimaqtaǧy orta bılım beru salasynda oquşy oryndarynyŋ tapşylyǧyn azaitu jäne bılım beru obektılerın jöndeu boiynşa josparly jūmys qalai jürgızılıp jatyr degen sūraqqa jauap berıp öttı. Şahar basşysynyŋ sözıne sensek, biylǧy jyldyŋ basynda 2 mekteptıŋ (№34 jäne 144 gimnaziialar) 850 oryndyq 2 qosymşa qūrylysy paidalanuǧa berıldı. Bırer künnen keiın, naqtylasaq, 10 qaraşada Qabanbai batyr köşesınde 850 oryndyq «Prometheus school» jeke menşık mektebı aşylady. № 15 gimnaziiany seismikalyq küşeite otyryp, kürdelı jöndeu jūmystary jürgızılude, 2023 jyldyŋ şılde aiynda paidalanuǧa berıledı.
«Kelesı jyldyŋ III-şı toqsanynyŋ basynda №136 jäne 58 mekteptıŋ ǧimarattaryn kürdelı jöndeuden ötkızıp, seismikalyq küşeitu üşın jobalau-smetalyq qūjattama äzırlenetın bolady», – dedı Almaty qalasynyŋ äkımı Erbolat Dosaev.
Ūqsas jaŋalyqtar
