Franııa Prezıdenti Emmanıýel Makronǵa Qazaqstan Prezıdenti Qasym-Jomart Toqaev syılaǵan qazaqy tazynyń eki kúshigine at qoıyldy, dep habarlaıdy “Adyrna” ulttyq portaly.
Byltyr qarasha aıynda Memleket basshysynyń shaqyrýymen Astanaǵa saparmen kelgen Franııa Prezıdenti «Etnoaýyl» kórmesin aralap kórip, qazaq halqynyń baı mádenı murasymen tanysqan edi. Kórme ortalyǵyn tamashalaý barysynda Emmanıýel Makronǵa qazaqy tazynyń tuqymy erekshe unaǵan bolatyn. Sol kezde Qasym-Jomart Toqaev franııalyq áriptesine tazy syılaýǵa ýáde bergen edi.
Keıin Parıjge qazaqy tazynyń bes aılyq eki kúshigi jetkizildi. Qos tazyny franýz veterınarlary tekserip, ýaqytsha karantınge jiberdi. Sondaı-aq Franııa tarapyna kúshikterdi tamaqtandyrý jáne úıretý jónindegi nusqaýlyq berildi.
"Tazy kúshikterine Jıýl jáne Janna degen jarasymdy esim berilgeni málim boldy. Kúshikter Makron otbasynyń Nemo esimdi qara labradorymen "dostasyp" úlgergen. Aıtpaqshy, bul ıtti erli-zaıypty Makrondar 2017 jyly janýarlar panalaıtyn jerden asyrap alǵan", - delingen BORT N1 Telegram kanalyndaǵy habarlamada.
