Fransiia Prezidentı Emmaniuel Makronǧa Qazaqstan Prezidentı Qasym-Jomart Toqaev syilaǧan qazaqy tazynyŋ ekı küşıgıne at qoiyldy, dep habarlaidy “Adyrna” ūlttyq portaly.
Byltyr qaraşa aiynda Memleket basşysynyŋ şaqyruymen Astanaǧa saparmen kelgen Fransiia Prezidentı «Etnoauyl» körmesın aralap körıp, qazaq halqynyŋ bai mädeni mūrasymen tanysqan edı. Körme ortalyǧyn tamaşalau barysynda Emmaniuel Makronǧa qazaqy tazynyŋ tūqymy erekşe ūnaǧan bolatyn. Sol kezde Qasym-Jomart Toqaev fransiialyq ärıptesıne tazy syilauǧa uäde bergen edı.
Keiın Parijge qazaqy tazynyŋ bes ailyq ekı küşıgı jetkızıldı. Qos tazyny fransuz veterinarlary tekserıp, uaqytşa karantinge jıberdı. Sondai-aq Fransiia tarapyna küşıkterdı tamaqtandyru jäne üiretu jönındegı nūsqaulyq berıldı.
"Tazy küşıkterıne Jiul jäne Janna degen jarasymdy esım berılgenı mälım boldy. Küşıkter Makron otbasynyŋ Nemo esımdı qara labradorymen "dostasyp" ülgergen. Aitpaqşy, būl ittı erlı-zaiypty Makrondar 2017 jyly januarlar panalaityn jerden asyrap alǧan", - delıngen BORT N1 Telegram kanalyndaǧy habarlamada.
Ūqsas jaŋalyqtar
