Koronavirus ındetı saldarynan älemde milliardtaǧan adam jūmyssyz qalady nemese jalaqysy qysqarady. Būl turaly Halyqaralyq eŋbek ūiymyna sılteme jasap Bloomberg habarlady.
Būl özgerıstı, äsırese, qonaqüi, tamaqtanu jäne sauda salalarynyŋ qyzmetkerlerı sezınedı. Halyqaralyq eŋbek ūiymy ındetke şaldyǧu körsetkışı azaimasa, jūmyssyzdyq deŋgeiı odan saiyn ösetının aityp otyr. Aita keteiık, 11 nauryzda Düniejüzılık densaulyq saqtau ūiymy jaŋa koronavirustyŋ taraluyn pandemiia dep jariialaǧan bolatyn. Elder şekarasyn jauyp, bırınen soŋ bırı tötenşe jaǧdai rejimın engızdı. Qazaqstanda 16 nauryz - 15 säuır aralyǧynda tötenşe jaǧdai jariialandy. Oblystar men qalalar karantinge jabyldy. Prezident Qasym-Jomart Toqaev Aqordada ötkızgen tötenşe jaǧdai jönındegı memlekettık komissiianyŋ otyrysynda koronavirus ındetıne bailanysty tabysyn joǧaltqan adamdarǧa järdemaqy töleudı tapsyrǧan bolatyn. Tötenşe jaǧdai saldarynan kırısın joǧaltqan adamdarǧa eŋ tömengı jalaqy (42 500 teŋge) kölemınde ai saiynǧy tölemder jasalady. Aldyn ala esep boiynşa mūndai qoldauǧa kemınde 1,5 million otandasymyz ie bola alady. Qazırgı uaqytta elımızde 727 adamda virus rastaldy. Jeteuı ındetten köz jūmdyŪqsas jaŋalyqtar
