Koronavırýs indeti saldarynan álemde mıllıardtaǵan adam jumyssyz qalady nemese jalaqysy qysqarady. Bul týraly Halyqaralyq eńbek uıymyna silteme jasap Bloomberg habarlady.
Bul ózgeristi, ásirese, qonaqúı, tamaqtaný jáne saýda salalarynyń qyzmetkerleri sezinedi. Halyqaralyq eńbek uıymy indetke shaldyǵý kórsetkishi azaımasa, jumyssyzdyq deńgeıi odan saıyn ósetinin aıtyp otyr.
Aıta keteıik, 11 naýryzda Dúnıejúzilik densaýlyq saqtaý uıymy jańa koronavırýstyń taralýyn pandemııa dep jarııalaǵan bolatyn. Elder shekarasyn jaýyp, birinen soń biri tótenshe jaǵdaı rejımin engizdi.
Qazaqstanda 16 naýryz - 15 sáýir aralyǵynda tótenshe jaǵdaı jarııalandy. Oblystar men qalalar karantınge jabyldy.
Prezıdent Qasym-Jomart Toqaev Aqordada ótkizgen tótenshe jaǵdaı jónindegi memlekettik komıssııanyń otyrysynda koronavırýs indetine baılanysty tabysyn joǵaltqan adamdarǵa járdemaqy tóleýdi tapsyrǵan bolatyn. Tótenshe jaǵdaı saldarynan kirisin joǵaltqan adamdarǵa eń tómengi jalaqy (42 500 teńge) kóleminde aı saıynǵy tólemder jasalady.
Aldyn ala esep boıynsha mundaı qoldaýǵa keminde 1,5 mıllıon otandasymyz ıe bola alady.
Qazirgi ýaqytta elimizde 727 adamda vırýs rastaldy. Jeteýi indetten kóz jumdy
