Finprom.kz smaraptamalyq portaly turǵyn úı kommýnaldy sharýashylyǵyna jumsalatyn shyǵynnyń orta esebin shyǵaryp kórdi. Turǵyn úı qyzmetindegi sý, gaz, elektr qýaty tarıfteri 2017 jyldyń sáýir aıyna qaraǵanda, 7,3 paıyzǵa ósken.
Iaǵnı, turǵyn úı shyǵyny sharshy metr boıynsha 6,7 paıyzǵa ósken. Onymyz 27,335 teńgeni qurap otyr.
Qoqys shyǵarý qyzmeti qazaqstandyqtar úshin 7,4 paıyzǵa ósip, aıyna adam basyna 168,8 teńgeni quraıdy.
Ózgerissiz qalǵany, telefon qyzmeti úshin abonenttik tólem. Sońǵy rettik ósimi 839 teńgeden 1006 ósken abonenttik tólem 2013 jyldan beri ózgerissiz keledi.
Sáýir aıynda 1 gıgokalorııasy 4002,9 teńgeni quraǵan ortalyqtandyrylǵan jylytý tarıfi ótken jylǵy tarıfpen salystyrǵanda 5,3 payıyzǵa joǵary. Ystyq sý tarıfi bolsa birden 8,4 paıyzǵa qymbattap, sharshy/ kýby úshin aıyna 242,6 teńgeni qurap otyr.
BIr jyl ishinde 3,4 paıyzǵa kóterilgen sýyq sý tarıfiniń baǵasy aıtarlyqtaı qymbat emes. Sondaı aq, káriz júıesiniń baǵasy da qazaqstandyqtardyń qaltasyna salmaq sala qoımaıdy
Al suıytylǵan gaz aıtarlyqtaı qymbattaǵan. Bir jyl ishinde 11,1 paıyzǵa ósip, kg boıynsha 156 teńgeni qurap otyr.
Gaz ballondarynda tasymaldanatyn suıytylǵan gaz bolsa, ortasha eseppen 4,1 paıyzǵa ósip 50-lıtrlik gaz ballon 2618 teńgeni qurap otyr.
Al elektr energııasyn tutynatyn qazaqstandyqtar úshin tarıf 15,7 paıyzǵa ósken.
______________________________________________________________________________________________________ today.kz
