Balqaş äuejaiyn rekonstruksiialauǧa qaitarylǧan aktivter esebınen 945 mln teŋge bölındı, dep habarlaidy "Adyrna" ūlttyq portaly.
Ükımettıŋ baspasöz qyzmetınıŋ mälımetınşe, jürgızılıp jatqan rekonstruksiia jolauşylarǧa qyzmet körsetu sapasyn arttyruǧa jäne äue ailaǧynyŋ negızgı parametrlerın halyqaralyq standarttarǧa säikestendıruge mümkındık beredı. Joba tolyq ıske asqanda äuejaidyŋ ötkızu qabıletı 30%-dan asa ösedı.
Vedomstvo jūmystardyŋ edäuır bölıgı oryndalǧanyn habarlap otyr.
Äuejaidyŋ negızgı ǧimaraty men qosalqy nysandarynyŋ şatyry jöndelıp, terezelerı auystyrylǧan. Kärız jüiesı men su qūbyrynyŋ negızgı jelısı jaŋartyldy.
Būdan bölek, äuejai qyzmetın qamtamasyz etu üşın bırınşı kezekte qajet arnaiy aerodrom tehnikasyn satyp alu jūmystary jürgızılude. Qazırgı taŋda aerodromdyq ört söndıru kölıgı, jyljymaly trap, şaǧyn avtobus jäne aerodromǧa arnalǧan janarmai qūiu kölıgı satyp alynǧan.
Bekarys Jandaulet
