Memleket basşysy Qasym-Jomart Toqaev Cybailas jemqorlyqqa qarsy ıs-qimyl agenttıgınıŋ töraǧasy Ashat Jūmaǧalidy qabyldady. Būl turaly Aqorda mälımdedı, dep habarlaidy “Adyrna” ūlttyq portaly.
Prezidentke Sybailas jemqorlyqqa qarsy qyzmettıŋ biylǧy 10 aida atqarǧan jūmysynyŋ nätijelerı jönınde baiandaldy.
Osy uaqyt ışınde elımızde jemqorlyqqa qatysty 1500-ge juyq qylmys tırkelıp, 1100-den astam adamnyŋ ısı äşkerelendı. Onyŋ 158-ı – türlı deŋgeidegı basşylar, - dedı Ashat Jūmaǧali.
Sondai-aq, sotqa myŋnan astam ıs joldanyp, 282 milliard teŋge şyǧyn ötelgen. Al agenttık töraǧasy 2022 jyldan berı biudjetke jäne kvazimemlekettık sektor subektılerıne qūny şamamen 857 milliard teŋge bolatyn mülık aktivterı men qarjy qaitarylǧanyn aitty.
Būdan bölek, Ashat Jūmaǧali memleket basşysyna jemqorlyqtyŋ aldyn alu jūmystary turaly esep berdı.
Sybailas jemqorlyq täuekelderı kartasyn jüzege asyru aiasynda tapsyrylu merzımı keşıktırılgen, qarjy jymqyru qaupı bar äleumettık nysandar qūrylysyna monitoring jürgızılıp jatyr. Agenttık elımızdıŋ barlyq öŋırı boiynşa jalpy biudjetı 2,44 trillion teŋgenı qūraityn osyndai 156 nysan bar ekenın anyqtaǧan.
Azamattyq qoǧammen özara tyǧyz qarym-qatynas ornatu arqyly "Sybailas jemqorlyqqa qarsy volonterlık" jobasy ıske asyryluda. Qazırgı uaqytta jemqorlyqtyŋ beleŋ aluyna bei-jai qaramaityn 2 myŋnan astam azamat būl bastamaǧa atsalysyp jatyr, delıngen habarlamada.
Kezdesu soŋynda Qasym-Jomart Toqaev jemqorlyqqa qarsy ıs-qimyldy jäne aldyn alu şaralaryn küşeituge baǧyttalǧan jüielı jūmysty jalǧastyru jönınde bırqatar naqty tapsyrma berdı.
