2021 jyldyŋ tamyzynda Auǧanstannan äketılgen äskeri ūşaqtar men tıkūşaqtar Özbekstanda qalatyn boldy, dep habarlaidy “Adyrna” ūlttyq portaly.
Ferǧana agenttıgınıŋ deregınşe, AQŞ-tyŋ Özbekstandaǧy elşısı Djonatan Henik ūşaqtardyŋ auǧan halqyna emes, Amerikaǧa tiesılı ekenın aitqan.
«Ūşaqtar Özbekstanda bolady. Būl jabdyq eşqaşan auǧandyq bolmaǧan, Amerikaǧa tiesılı. Auǧanstan armiiasy ūşaqty paidalandy, bıraq bız ūşaqtarǧa ärqaşan qojaiyn boldyq», - dep tüsındırdı AQŞ elşısı.
2021 jyldyŋ tamyz aiynda «Taliban* radikaldy qozǧalysy kezınde auǧan ūşqyştary ärıptesterımen jäne olardyŋ otbasylarymen Auǧanstan äue küşterıne tiesılı ūşaqtar, tıkūşaqtar arqyly Özbekstan men Täjıkstanǧa ūşyp ketken edı.
Būl ūşaqty bır kezderı Auǧanstan ükımetınıŋ äue küşterıne amerikalyq armiia bergen.
AQŞ qorǧanys ministrlıgınıŋ mälımetınşe, ūrlanǧan ūşaqtardyŋ 46-sy - Özbekstanda, 18-ı Täjıkstanda tūr.
Sol jyldyŋ qyrküiegınde Özbekstan syrtqy ıster ministrlıgı elge zaŋsyz kırgen Auǧanstannyŋ barlyq būrynǧy äskeri qyzmetkerlerı men beibıt tūrǧyndarynyŋ üşınşı elge jetkızılgenın habarlady. Al ūşaqtyŋ taǧdyry belgısız bolyp qalǧan bolatyn.
Keiınnen, 2022 jyldyŋ säuırınde Özbekstan prezidentınıŋ Auǧanstan boiynşa arnaiy ökılı İsmatulla İrgaşev ūşaq Amerika bilıgıne qaitarylatynyn aitqan.
«AQŞ ükımetı ūşaqtarǧa aqşa töledı. Ol būrynǧy Auǧanstan ükımetın qarjylandyrdy. Osylaişa, bız ūşaqqa qatysty şeşımdı tolyǧymen Vaşington şeşedı dep sanaimyz», - dedı İrgaşev.
Alaida 2022 jyly «Taliban» qozǧalysy qūrǧan Auǧanstannyŋ qorǧanys ministrlıgı Özbekstan men Täjıkstanǧa ötken jyldyŋ tamyz aiynda Ortalyq Aziianyŋ postkeŋestık respublikalaryna ūrlanǧan tıkūşaqtardy qaitaru turaly ötınışpen jügıngen edı.
Taliban qorǧanys ministrlıgınıŋ baspasöz hatşysy tıkūşaqtardy qaitarǧysy keletının aitty.
«Tıkūşaqtar – auǧan halqynyŋ menşıgı. Olardy qazırgı ükımetke qaitaru kerek», - dedı Horazmi.
Ūqsas jaŋalyqtar
