2021 jyldyń tamyzynda Aýǵanstannan áketilgen áskerı ushaqtar men tikushaqtar Ózbekstanda qalatyn boldy, dep habarlaıdy “Adyrna” ulttyq portaly.
Ferǵana agenttiginiń dereginshe, AQSh-tyń Ózbekstandaǵy elshisi Djonatan Henık ushaqtardyń aýǵan halqyna emes, Amerıkaǵa tıesili ekenin aıtqan.
«Ushaqtar Ózbekstanda bolady. Bul jabdyq eshqashan aýǵandyq bolmaǵan, Amerıkaǵa tıesili. Aýǵanstan armııasy ushaqty paıdalandy, biraq biz ushaqtarǵa árqashan qojaıyn boldyq», - dep túsindirdi AQSh elshisi.
2021 jyldyń tamyz aıynda «Talıban* radıkaldy qozǵalysy kezinde aýǵan ushqyshtary áriptesterimen jáne olardyń otbasylarymen Aýǵanstan áýe kúshterine tıesili ushaqtar, tikushaqtar arqyly Ózbekstan men Tájikstanǵa ushyp ketken edi.
Bul ushaqty bir kezderi Aýǵanstan úkimetiniń áýe kúshterine amerıkalyq armııa bergen.
AQSh qorǵanys mınıstrliginiń málimetinshe, urlanǵan ushaqtardyń 46-sy - Ózbekstanda, 18-i Tájikstanda tur.
Sol jyldyń qyrkúıeginde Ózbekstan syrtqy ister mınıstrligi elge zańsyz kirgen Aýǵanstannyń barlyq burynǵy áskerı qyzmetkerleri men beıbit turǵyndarynyń úshinshi elge jetkizilgenin habarlady. Al ushaqtyń taǵdyry belgisiz bolyp qalǵan bolatyn.
Keıinnen, 2022 jyldyń sáýirinde Ózbekstan prezıdentiniń Aýǵanstan boıynsha arnaıy ókili Ismatýlla Irgashev ushaq Amerıka bıligine qaıtarylatynyn aıtqan.
«AQSh úkimeti ushaqtarǵa aqsha tóledi. Ol burynǵy Aýǵanstan úkimetin qarjylandyrdy. Osylaısha, biz ushaqqa qatysty sheshimdi tolyǵymen Vashıngton sheshedi dep sanaımyz», - dedi Irgashev.
Alaıda 2022 jyly «Talıban» qozǵalysy qurǵan Aýǵanstannyń qorǵanys mınıstrligi Ózbekstan men Tájikstanǵa ótken jyldyń tamyz aıynda Ortalyq Azııanyń postkeńestik respýblıkalaryna urlanǵan tikushaqtardy qaıtarý týraly ótinishpen júgingen edi.
Talıban qorǵanys mınıstrliginiń baspasóz hatshysy tikushaqtardy qaıtarǵysy keletinin aıtty.
«Tikushaqtar – aýǵan halqynyń menshigi. Olardy qazirgi úkimetke qaıtarý kerek», - dedi Horazmı.
