Reseidıŋ Iаsnyi qalasy maŋyndaǧy Resei qaruly küşterınıŋ strategiialyq maqsattaǧy zymyran äskerlerı bazasynda zymyran ūşyru sätsız aiaqtaldy, dep habarlaidy «Adyrna» tılşısı DW-ne sılteme jasap.
BAQ mälımetınşe, zymyran jerge qūlap, jarylyp ketken. Oqiǧa 28 qaraşada bolǧan. Jarylys turaly derekterdı oqiǧa kuägerlerı rastap otyr.
Qala tūrǧyndary äleumettık jelılerde äskeri nysan ornalasqan aimaqtan aspanǧa köterılgen qalyŋ tütınnıŋ suretterın jariialady. Olar jaǧymsyz iıs saldarynan tynys aludyŋ qiyndaǧany turaly da aituda.
Ukrainanyŋ Supernova+ jobasy zymyrannyŋ ūşyrylǧan sätı men qūlaǧany tüsırılgen videony jariialady. BAQ mälımetınşe, oqiǧa «Dombarovskii» audanynda bolǧan. Būl jerde «Iаsnyi» äskeri ǧaryş ailaǧy ornalasqan.
Qalalyq basylymdardyŋ habarlauynşa, Iаsnyi bilıgı bolǧan jaǧdaiǧa qatysty eşqandai tüsınıkteme bermegen. Al poligonda jarylys pen ört bolǧany turaly aqparatty NASA FIRMS ört kartasy da rastar otyr.
The Insider portalynyŋ jazuynşa, 2023 jyly Orynbordan şamamen 500 şaqyrym qaşyqtyqtaǧy «Iаsnyi» ǧaryş ailaǧyn «Avangard» raketalyq keşenın ūşyruǧa beiımdeu üşın qaita jaraqtandyru jūmystary bastalǧan. Resei prezidentı Vladimir Putin būl keşendı alǧaş ret 2018 jyly tanystyrǧan bolatyn. Ol jaŋa raketanyŋ qūrlyqaralyq qaşyqtyqtarǧa ūşa alatynyn jäne ony atu mümkın bolmaitynyn aitqan.
«Avangard» synaqtary jäne Putin ūsynǧan sipattamalar Vaşingtonnyŋ qataŋ synyna sebep boldy. AQŞ mūndai zymyran jasau 1987 jyly KSRO basşysy Mihail Gorbachiov pen AQŞ prezidentı Ronald Reigan qol qoiǧan Orta jäne qysqa qaşyqtyqtaǧy zymyrandardy joiu turaly şartty būzady dep esepteidı.
Resei būl zymyrandardy Ukrainaǧa qarsy tolyq masştabty basqynşylyǧy barysynda şabuyldarda qoldanǧan bolatyn.
