"Astarly aqıqattyń" burynǵy telejúrgizýshisi Dına Tólepbergen áriptesine qatysty oıyn aıtty, dep habarlaıdy "Adyrna" ulttyq portaly.
Telejýrnalıst "Ashat Sadyrbaıdy nege "Astarly aqıqattan" alyp tastamaısyz" degen suraqqa áleýmettik jelidegi paraqshasynda jaýap berdi.
“2024 jyldyń qańtarynda men júrgizýshilikti toqtattym. Meniń ornyma Berdimurat Hasen keldi. Ony ózim usyndym. Mamyrǵa deıin baǵdarlamanyń óndirisine meniń kompanııam jaýap berdi. Maýsymda búkil komandammen jobadan kettik. Túsinikti bolý úshin "Astarly aqıqatty" kólikke teńesem, men ony aıdadym, jóndedim, jolǵa shyǵardym. Biraq bir kúni kiltti ıesine tapsyrdym. Odan keıin ol kólikti kim júrgizetinin men sheshpeımin. Men óz baǵytymmen júrmin”, – dedi jýrnalıst.
Sondaı-aq telejúrgizýshi áriptesiniń is-áreketin qatań túrde synady.
“Men adamdy onyń jeke ómirinen bólip qaraı almaıdy ekenmin. Sebebi adam – tutas. Isi men sózi bir jerden shyqpasa, ol – jalǵan. Jumys pen ómir eki bólek bolsa, ol – aldaý", – dep jazdy Dına Tólepbergen.
