Mäjılıs deputaty Ashat Aimaǧambetov Jasandy intellekt jäne sifrlyq damu ministrlıgıne balalardyŋ jelıdegı belsendılıgı turaly deputattyq saual joldady, dep habarlaidy «Adyrna» tılşısı.
Aituynşa, balalardyŋ köpşılıgı äleumettık jelıge ata-anasynyŋ rūqsatynsyz 5–6 jastan bastap tırkelıp alady.
"Qazaqstanda bala TikTok nemese Instagram-ǧa 5–6 jastan bastap eş kedergısız tırkele alady. Al köptegen elde būl mäsele zaŋmen rettelgen. Mysaly Daniia men Avstraliiada tırkeluge rūqsat jasy — 15–16 jas. AQŞ, Ūlybritaniia jäne İrlandiiada da jas boiynşa şekteuler engızılgen. Äleumettık jelıge tırkelu tek ata-anasynyŋ rastalǧan kelısımımen ǧana jüzege asady. Sifrlyq damu ministrlıgı men Oqu-aǧartu ministrlıgı osy mäsele boiynşa pozistiasy bar ma?"–dedı deputat.
Odan bölek, Aimaǧambetov mektepterde smartfon qoldanuǧa qatysty memlekettık ūstanymnyŋ bar-joǧyn sūrady.
"Angliia, Niderland jäne älemnıŋ 40%-dan astam elderı mektepterde smartfon qoldanuǧa resmi türde tyiym salǧan. Qazaqstanda da bırqatar aldyŋǧy qatarly mektepter — NIS, BİL, «Daryn» sabaq kezınde smartfon qoldanuǧa şekteu qoidy. Nätijesı öte jaqsy. Oŋ äserı baiqaldy, balalar belsendırek, bır-bırımen jiı tıldesedı, sabaq kezınde alaŋdauşylyq azaidy. Alaida eldegı köptegen mektepterde jaǧdai özgeşe. Mūǧalımder janjaldan qorqady, al oquşylar sabaq pen üzılıs kezınde TikTok-ta saǧattap otyrady. Sifrlyq damu jäne Oqu-aǧartu ministrlıkterı būl mäselenı jüielı türde şeşu üşın qandai ūsynystary bar?",–dedı ol.
Öz kezegınde Jasandy intellekt jäne sifrlyq damu vise-ministrı Dmitrii Mun äzırge mūndai şekteu engızu josparlanbaǧanyn, bıraq mäsele talqylanyp jatqanyn aitty.
Sondai-aq ol balalardy tehnologiiany qauıpsız ärı paidaly qoldanuǧa üiretudıŋ maŋyzdy ekenın atap öttı.
«Ministrlıktıŋ ūstanymy — jaŋa ūrpaqty dūrys oqytu. Tehnika, jasandy intellekt jäne internetpen jūmys ısteude artta qalu qaupı bolmauy tiıs», — dedı vise-ministr.
