Soŋǧy 10 künde elordada bır ailyq normadan artyq qar jaudy, dep habarlaidy qala äkımdıgınıŋ resmi saity. Qysqy mausym bastalǧaly berı kommunaldyq qyzmetter küşeitılgen täulık boiǧy rejimde eŋbek etıp jatyr.
Qar tazalau jäne arnaiy poligondarǧa şyǧaru jūmystary qalanyŋ barlyq alty audanynda üzdıksız jürgızılude. Aua temperaturasynyŋ kündız jylynyp, tünde kürt tömendeuıne bailanysty qala köşelerı men trotuarlarda köktaiǧaq paida boluda.
Tūrǧyndardyŋ qauıpsızdıgın qamtamasyz etu maqsatynda joldar men jaiau jürgınşıler aimaqtaryna tehnikalyq tūz sebılude. Qys bastalǧaly berı köktaiǧaqqa qarsy 3 myŋ tonnadan astam material qoldanylyp, 176 myŋ tekşe metrden astam qar şyǧarylǧan. Būl körsetkış — şamamen 14 myŋ auyr jük kölıgınıŋ reisıne teŋ.
Äkımdık mälımetınşe, barlyq jūmys täulık boiy jalǧasyp jatyr. Sonymen qatar, aulalar men kıreberısterdı qar men mūzdan tazalau — PİK pen MİB ūiymdarynyŋ tıkelei mındetı. Olar tūrǧyndardyŋ qauıpsızdıgı men jailylyǧy üşın aulalardy der kezınde tazalap otyruy tiıs.
Astana äkımdıgı qala tūrǧyndary men qonaqtaryn aua raiynyŋ qolaisyz kezınde saqtyq şaralaryn ūstanuǧa, köktaiǧaqta abai boluǧa jäne qajetsız alys saparlarǧa şyqpauǧa şaqyrdy.
