Astanada elordalyq qūtqaruşylar lift ışınde qamalyp qalǧan adamdarǧa kömek körsettı, dep habarlaidy "Adyrna" ūlttyq portaly.
Būl turaly Tötenşe jaǧdailar ministrlıgınıŋ baspasöz qyzmetı habarlady.
Oqiǧa tüngı uaqytta Saraişyq audanyndaǧy köpqabatty tūrǧyn üilerdıŋ bırınde bolǧan. Lift ışınde barlyǧy 11 adam, onyŋ ışınde 5 bala qalyp qoiǧan. Aldyn ala mälımetke säikes, lift üşınşı qabattan tömen tüsıp kele jatyp, ekınşı jäne bırınşı qabattardyŋ arasynda toqtap qalǧan.
Oqiǧa ornyna jedel jetken qūtqaruşylar arnaiy qūraldardyŋ kömegımen lift esıgın aşyp, adamdardy syrtqa şyǧardy. Abyroi bolǧanda, eşkım medisinalyq kömekke mūqtaj bolmaǧan.
TJM tūrǧyndardy lift ışınde qalyp qoiǧan jaǧdaida sabyr saqtauǧa jäne qauıpsızdık erejelerın ūstanuǧa şaqyrady. Atap aitqanda, dürbeleŋge berılmei, dispetcherge habarlasu, barlyq tüimenı qatarynan baspau jäne lift esıgın öz betımen aşuǧa äreket jasamau qajet.
