Abaı oblysynyń ákimi Berik Ýálı «Taza Qazaqstan» baǵdarlamasynyń júzege asyrylýyna arnalǵan jıynda Semeı qalasyndaǵy tazalyq jumystarynyń tıisti deńgeıde júrgizilmegenin synǵa aldy, dep habarlaıdy “Adyrna” ulttyq portaly.
Oblys basshysy senbilik barysynda jınalǵan qoqystyń der kezinde shyǵarylmaǵanyn atap ótti.
«Meniń bir apta buryn jarııalaǵan beıneúndeýimdi halyq jaqsy qabyldady. Bastamaǵa qoldaý bildirip, senbilikke shyqty. Alaıda Semeı qalasyndaǵy senbilikte jınalǵan qoqys tolyq shyǵarylmaı jatyr. Halyq áleýmettik jelide narazylyqtaryn bildirýde. Turǵyndardyń eńbegi zaıa ketpeýi kerek. Qala turǵyndary men qonaqtaryna jaıly jaǵdaı jasaý, shahardy taza ustaý — bizdiń mindetimiz», — dedi aımaq basshysy.
Jýrnalıst Dıas Nuraqyn óziniń Facebook paraqshasynda pikir qaldyrdy.
«Berik Ýálı bárin jyrtyp jatyr eken. “Eki aı úndemedim, endi aıamaımyn” depti. Kóshesin kúnde jýatyn Astanadan keıin surqy qashqan Semeıdiń shań-shań kóshelerinen ábden shoshysa kerek? Sheneýnikterdi shetinen shyqpyrtyp jatyr. Arqany keńge salyp úırengen Abaı oblysynyń atqaminerleri, aǵashtardyń da shashyn túzep, kútý kerek pe? — dep ań-tań», — dep jazdy.
Oblys ákimdigi tarapynan tazalyq jumystaryn jaqsartý jáne turǵyndardyń eńbegin baǵalaý maqsatynda naqty sharalar qabyldanýy josparlanýda.
