Oral qalasyndaǧy mektepten tys jūmys ortalyǧynda oquşylardyŋ bos uaqytyn tiımdı paidalanu maqsatynda eluge juyq üiırmede alty myŋnan astam oquşy tärbielenıp, qosymşa bılım aluda. Ortalyqtyŋ direktory Tılek Ädılgereiūlynyŋ aituynşa, bügınde bılım oşaǧynda tälım alǧan daryndy balalar öz ömırlerın osy ortalyqpen bailanystyryp, qazır bırqatary üzeŋgıles ärıptesterıne ainalsa, endı bırı joǧary oqu oryndarynda bılım aluda.
Oral qalasynyŋ mektepten tys jūmys ortalyǧy balalar men jasöspırımderdıŋ şyǧarmaşylyq qabıletterın damytudy maqsat etıp, osy baǧytta eleulı jūmystar atqaruda. Qazırgı taŋda ortalyqta eluge juyq üiırmede alty myŋnan astam oquşy tärbielenıp, qosymşa bılım alu mümkındıgıne ie boluda. Ortalyqtyŋ direktory Tılek Quanyşkereevtıŋ aituynşa, bılım beru nysanynyŋ jūmysy tört negızgı baǧytta jürgızıledı: körkem estetikalyq, äleumettık-pedagogikalyq, sporttyq jäne äskeri-patriottyq baǧyttar. Biylǧy jyly ǧimaratqa jöndeu jürgızılıp, reŋı jaŋaryp, tärbilenuşıler men ūstazdarǧa jaily jaǧdai jasalǧan.
Ortalyq negızınen 1992 jyldan bastap Mektepten tys jūmys ortalyǧy atauyna ie boldy, oǧan deiın «Pionerler üiı» dep atalypty. Elımız täuelsızdık alǧannan berı 100 myŋnan asa oquşy tälım alypty. Jūmys odan ärı jalǧasa beredı.– Körkem estetikalyq baǧyt – oquşylardyŋ şyǧarmaşylyq qabıletterın damytuǧa baǧyttalǧan üiırmelerge toly. Dombyra, gitara, bi, vokal, körkem suret jäne sändık qoldanbaly öner siiaqty türlı baǧyttarda balalar özderın jan-jaqty körsetu mümkındıgın alady. Būl üiırmeler balalardyŋ önerge degen süiıspenşılıgın arttyryp, olardyŋ jeke tūlǧasyn qalyptastyruda maŋyzdy röl atqarady.Äleumettık-pedagogikalyq baǧyt – oquşylardyŋ köşbasşylyq qasietterın damytuǧa baǧyttalǧan. Būl baǧytta tıl üiırmelerı, köşbasşylar mektebı, debattar jäne basqa da qoǧamdyq ıs-şaralar ūiymdastyrylady. Balalar osynda özderın jaŋa äleumettık ortada synap, öz pıkırlerın däleldep, komandalyq jūmys daǧdylaryn damytady.Sporttyq baǧytta da köptegen üiırmeler jūmys ısteidı. Äue kemelerın müsındeu, karting, toǧyzqūmalaq, basketbol, voleibol siiaqty sport türlerımen ainalysatyn oquşylar jyl saiyn oblystyq jäne respublikalyq deŋgeide türlı jarystarǧa qatysyp, jüldelı oryndarǧa ie boluda. Äsırese, äue kemelerın müsındeuden jäne toǧyzqūmalaqtan komanda müşelerı jyl saiyn bırınşı oryndy jeŋıp alyp jür.Äskeri-patriottyq baǧytta da balalardyŋ Otanyna degen süiıspenşılıgı men patriottyq sezımın nyǧaitu maqsatynda türlı ıs-şaralar ūiymdastyrylady. Būl baǧyt oquşylardyŋ eljandylyq ruhyn qalyptastyruǧa, öz jerıne, tarihyna jäne mädenietıne qūrmetpen qarauǧa baǧyttalǧan, – dedı qalalyq mektepten tys jūmys ortalyǧynyŋ direktory Tılek Ädılgereiūly.
Ortalyqtyŋ jūmys auqymy keŋeigen
Ortalyqtyŋ qūrylymy alty bölımşeden tūrady. Būl bölımşeler Oral qalasynyŋ ärtürlı audandarynda ornalasqan: Et kombinaty 33 JJOM, 16 mektepte, Jelaev kentınde, Derköl şaǧyn audanynda 49, 52 mektepter bazasynda, Bor tauy şaǧyn audanyndaǧy 18 mektebınde jäne 20, 51 mektepterde bölımşeler jūmys ısteidı. Sonymen qatar, ortalyq oquşylardyŋ kanikuly kezderınde jūmysyn erekşe qyzdyryp, balalardyŋ bos uaqytyn tiımdı paidalanu üşın köptegen ıs-şaralar ūiymdastyrady. Olardyŋ qatarynda özara pıkır almasu, konkurstar men şyǧarmaşylyq baǧyttaǧy şaralar bar. Äsırese, bılım aluşylar osy demalys sätterınde üiırmelerge joǧary qyzyǧuşylyqpen qatysatyn körınedı.
Jetıstıkter de jeterlık
Mektepten tys jūmys ortalyǧynyŋ oquşylary türlı deŋgeidegı jarystarda joǧary nätijeler körsetıp, ümıt artqan ata-analar men ūstazdardyŋ eŋbegı laiyqty baǧalanyp keledı. 2024-2025 oqu jylynda talantty üiırme müşelerı «Teatr ǧajaiyp älemı» atty respublikalyq baiqauda bırınşı oryn alyp, ülken jetıstıkke jettı. Sonymen qatar, oblystyq jarystarda äue kemelerın müsındeu jäne basqa da sporttyq üiırmelerde üzdık nätijeler körsetıp, özderınıŋ şyǧarmaşylyq jäne sporttyq qabıletterın tanytty. «Aq şaǧala» respublikalyq bişıler baiqauynda da ortalyqtyŋ önerlı örenderı bırınşı orynǧa taban tırep, öner salasynda da biık belesterge köterıldı.
Būl jetıstıkter ortalyqtyŋ jūmys sapasynyŋ joǧary deŋgeide ekenın jäne balalardyŋ şyǧarmaşylyǧy men qabıletterınıŋ jan-jaqty damyp, ärtürlı salada öz talanttaryn tanytuǧa mümkındık alǧanyn aiqyn däleldeidı. Bügınde talanttardyŋ tomaǧysyn sypyru jolynda jüzden asa ūstazdar uaqytpen sanaspai qyzmet atqaruda.
