«Halyqaralyq baǧdarlamalar ortalyǧy» AQŞ-tyŋ Florida ştatyndaǧy universitet kampusynda bolǧan oqiǧaǧa bailanysty resmi mälımdeme jasady, dep habarlaidy “Adyrna” ūlttyq portaly.
Aqparatqa säikes, 17 säuırde Florida ştaty universitetınıŋ kampusynda atys bolyp, qaiǧyly jaǧdai oryn aldy. Soŋǧy mälımetter boiynşa, atalǧan oqiǧa saldarynan ekı adam qaza tauyp, taǧy alty adam jaraqat alǧan.
«Halyqaralyq baǧdarlamalar ortalyǧy» AQ oryn alǧan jaǧdaidy mūqiiat baqylauda ūstap otyr jäne osy universitette bılım alyp jatqan qazaqstandyq stipendiattarmen tūraqty bailanys ornatqan.
«Qazırgı taŋda Florida ştaty universitetınde «Bolaşaq» halyqaralyq stipendiiasy aiasynda 4 stipendiat bılım aluda: onyŋ 3-euı magistratura, 1-ı doktorantura baǧdarlamasy boiynşa. Barlyq stipendiat aman-esen, jergılıktı bilık organdarynyŋ nūsqaularyn būljytpai oryndap otyr. Bız studentterımızge der kezınde aqparat berıp, qauıpsızdık şaralaryn saqtaǧandary üşın alǧys bıldıremız.
Oqiǧaǧa bailanysty universitet basşylyǧy barlyq oqu üderısın jäne ıs-şaralardy uaqytşa toqtatty. «Halyqaralyq baǧdarlamalar ortalyǧy» AQ AQŞ aumaǧynda jürgen barlyq stipendiattarǧa saqtyq şaralaryn qataŋ saqtaudy, sergek boludy jäne kümän tudyratyn jaǧdailar oryn alsa, dereu ortalyqpen bailanysqa şyǧudy sūraidy.
«Halyqaralyq baǧdarlamalar ortalyǧy» AQ qaza tapqandar men zardap şekkenderdıŋ jaqyndaryna köŋıl aita otyryp, jaǧdaidyŋ tez arada tūraqtanuyna ümıt bıldıredı», - delıngen «Halyqaralyq baǧdarlamalar ortalyǧy» habarlamasynda.
Ūqsas jaŋalyqtar
