Almaty oblysynyń turǵyny nesıesin tóleý úshin balasyn satyp jibergen. Bul týraly Ishki ister mınıstrligi málimdedi, dep habarlaıdy “Adyrna” ulttyq portaly.
24 jastaǵy júkti áıel “balamdy satamyn” degen habarlandyrý jarııalap, balasy joq erli-zaıyptylarmen tanysady. Olar áıeldiń nesıesin ótep berip, ornyna balany alatyn bop kelisken eken.
Osyǵan uqsas taǵy bir oqıǵa Shymkent qalasynda da tirkelgen. 23 jastaǵy áıel 45 jastaǵy áıelmen deldal arqyly kelisimge kelip, balasyn satýǵa bel býǵan.
Prokýratýranyń habarlaýynsha, qazir kúdiktiler qamaýǵa alynyp, náresteler balalar úıine tapsyryldy. Atalǵan faktiler boıynsha «kámeletke tolmaǵandardy saýdalaý» babymen sotqa deıingi tergeý amaldary bastalǵan.
