Mūnaily ölke Atyrauda byltyr 440 million teŋgege jöndeuden ötken mekteptıŋ edenın mūǧalımder özderı jamap jatyr, dep habarlaidy "Adyrna" ūlttyq portaly "İnformbiuro" jaŋalyqtar baǧdarlamasyna sılteme jasap.
Qazynanyŋ qarjysy igerılgen. Bıtken jūmysty jauaptylar qabyldap alǧan. Alaida milliondap qarjy bölınse de sapa syn kötermeidı. Bılım ordasynyŋ esık-terezesı qaŋyrap, edenı şūryq-tesık küiınde qalǧan. Atyrau qalasyndaǧy Maqaş Bekmūhanbetov atyndaǧy mekteptıŋ mäselesın qyzmetkerınıŋ bırı äleumettık jelıge salǧan.
Tıptı 440 million teŋgege tolyqtai kürdelı jöndeuden ötken mekteptıŋ edenınıŋ tesıkterın qyzmetkerler özderı jamap jatyr dep, aitqanyna dälel bolatyndai suretterdı de jariialapty. Mūny mekteptıŋ mūǧalımderınıŋ bırı rastady. Onyŋ sözınşe milliondap qarjy bölıngenımen sapasy syn kötermeidı.
“Erıksız mäjbürlı türde. Syrttaǧy bıtpei qalǧan jūmystyŋ barlyǧyn mūǧalımder jasady. Jer-jerde boqtyq qaldy.Sonyŋ barlyǧyn qyzmetkerler jasady. Jıgıtter jaǧyn şaqyrtyp jasatty”, – deidı M.Bekmūhanbetov atyndaǧy orta mektep mūǧalımı Raisa Jumabaeva.Al mektep direktorynyŋ sözınşe jöndeu jūmysyn jasauǧa mūǧalımnıŋ özı ūsynys jasapty.
“Dene şynyqtyru mūǧalımı ūsynys jasady. Eden körıktı boluy üşın, odan ärı jaqsartu maqsatynda bır-ekı saŋylau boldy sony apai bıtep tastasaq qaitedı dep öz erıkterımen 2-3 jerdı bıtedı”, - deidı M.Bekmūhanbetov atyndaǧy orta mektep direktory Ainūr Salyqova.Atyrau oblystyq Bılım beru basqarmasy ökılderınıŋ sözınşe qazır mektep direktoryna tärtıptık şara qoldanylǧan.
Ūqsas jaŋalyqtar
