Qaraǧandyda Qazaqstan Respublikasynyŋ Memlekettık rämızderı künıne orai attas alaŋda kölemı 20h10 metr bolatyn alyp Memlekettık Tu jaiyldy. «Rämızder ruhy – Konstitusiia küşı» atty patriottyq forumǧa tört myŋnan astam adam qatysty.
Tudy Qaraǧandy joǧary oqu oryndarynyŋ studentterı öŋırdıŋ tanymal sportşylarymen bırge saltanatty türde alyp öttı. Olardyŋ qatarynda Olimpiada oiyndarynyŋ qatysuşysy Danil Mūsabaev, jauyngerlık sambodan älem chempiony Niethan Töleuhan jäne äskeri qyzmetşıler arasyndaǧy erkın küresten älem bırınşılıgınıŋ jüldegerı Ädıl Ospanov boldy.
Merekenıŋ eŋ äserlı sätterınıŋ bırı – Memlekettık Änūrannyŋ köpşılık bolyp oryndaluy boldy. Forum qatysuşylarymen bırge Änūrandy Ūlttyq ūlan ansamblı men Maǧjan Jūmabaev atyndaǧy gimnaziianyŋ vokaldyq toby oryndady.
Öŋır tūrǧyndaryn merekemen Qaraǧandy oblysynyŋ äkımı Ermaǧanbet Bölekpaev qūttyqtady.
— Memlekettık Tu, Eltaŋba jäne Änūran – Täuelsızdıgımızdıŋ negızı, memlekettılıgımızdıŋ eŋ maŋyzdy nyşandary. Olar Konstitusiiamen bırge elımızdıŋ egemendıgı men tūraqty damuynyŋ özara sabaqtas tūǧyrlaryn qūraidy. Qaraǧandy öŋırı – jasampaz eŋbek dästürlerı men biık memlekettık mūrattar üilesım tapqan qasiettı meken. Bız üşın qoǧamdyq kelısımdı saqtau, jastardy otansüigıştık ruhta tärbieleu jäne joǧary azamattyq jauapkerşılıktı qalyptastyru — basty mındetterdıŋ bırı. Būl baǧyttaǧy jūmys aldaǧy uaqytta da jüielı türde jalǧasady. Kök Tuymyz Qazaqstannyŋ beibıt aspanynda ärdaiym asqaq jelbıresın, Eltaŋbamyz el täuelsızdıgınıŋ aiǧaǧy bolsyn, al Änūranymyz är azamattyŋ jüregıne Otanǧa degen maqtanyş sezımın ūialatsyn, - dedı öŋır basşysy.
Sondai-aq ol oblystyŋ damuyna qosqan ülesı men qoǧamdyq ömırge belsendı qatysqany üşın bırqatar azamatqa Alǧys hattar tabystady. Marapattalǧandardyŋ qatarynda bılım beru, ǧylym, densaulyq saqtau, sport jäne qūqyq qorǧau salalarynyŋ ökılderı bar.
Memlekettık rämızderdıŋ maŋyzy turaly batuttaǧy gimnastikadan Olimpiada oiyndarynyŋ qatysuşysy Danil Mūsabaev ta öz oiyn bıldırdı.
— Halyqaralyq jarystarda Qazaqstannyŋ Memlekettık Tuy köterılıp, Änūranymyz şyrqalǧan sätte elıŋ üşın erekşe maqtanyş sezımın bastan keşesıŋ. Ärbır jeŋıstıŋ artynda sportşy men bapkerlerdıŋ eŋbegı, memlekettıŋ jäne janküierlerdıŋ qoldauy tūrady. Sondyqtan memlekettık rämızderdı qūrmetteu, Otandy süiu jäne öz elıŋdı qalai tanystyryp jürgenıŋe jauapkerşılıkpen qarau — ärqaisymyz üşın maŋyzdy, - dedı sportşy.
Forumǧa jastardyŋ köptep qatysuy merekenıŋ erekşe köŋıl-küiın aiqyndai tüstı. «Bolaşaq» kolledjınıŋ bırınşı kurs studentı Arujan Nūrtazina mūndai auqymdy ıs-şaraǧa alǧaş ret qatysqanyn aitty.
— Memlekettık rämızder künı Qazaqstan üşın maqtanyş sezımın oiatady. Būl mereke adamdardy bırıktırıp, täuelsızdık, beibıtşılık pen bırlıktıŋ qadırın eske salady. Al jastar üşın būl elımızdıŋ bolaşaǧy aldyndaǧy jauapkerşılık turaly oilanuǧa mümkındık beretın erekşe kün, - deidı student.
Dästür boiynşa būl künı mektep oquşylary «Jas Ūlan» ūiymynyŋ qataryna qabyldandy. Otyz oquşy saltanatty türde ant berıp, kögıldır galstuk taqty.
Forum öŋırdıŋ şyǧarmaşylyq ūjymdary, etnomädeni bırlestıkterdıŋ ökılderı, jas oryndauşylar men Ūlttyq ūlan ansamblı qatysqan merekelık konsertpen aiaqtaldy.
Sonymen qatar alaŋda Bärımbek Beisenov atyndaǧy Qaraǧandy akademiiasy kursanttarynyŋ qatysuymen Tular şeruı öttı.
