«Taza Qazaqstan» respublikalyq aksiiasy aiasynda Qaraǧandy oblysynyŋ JRO ökılderı mektep oquşylaryna arnalǧan tanymdyq ekologiialyq därıs ötkızdı. Is-şaranyŋ maqsaty — öskeleŋ ūrpaqtyŋ ekologiialyq mädenietın qalyptastyru, qorşaǧan ortany qorǧauǧa jauapkerşılıktı arttyru, aumaqtardy kögaldandyru jäne öŋır tūrǧyndary üşın qolaily ömır süru ortasyn qalyptastyru.
Kezdesuge Ä. Bökeihan atyndaǧy jalpy bılım beretın mekteptıŋ oquşylary qatysty. Därıs barysynda mamandar tabiǧatqa ūqypty qaraudyŋ maŋyzdylyǧyn, tabiǧi resurstardy paidalanudaǧy jauapkerşılıktı tüsındırıp, sondai-aq tūtynudy oŋtailandyru men qaldyqtardy dūrys sūryptau jäne qaita öŋdeu boiynşa praktikalyq keŋester berdı.
Ūiymdastyruşylar «Taza Qazaqstan» aksiiasynyŋ el aumaǧyn tolyq qamtitynyn atap öttı.
«Ekologiialyq mädeniet qarapaiym, bıraq sanaly äreketterden bastalady. Qorşaǧan ortanyŋ tazalyǧyn saqtau, qaldyqtardy sūryptau, aǧaş otyrǧyzu — är azamattyŋ elımızdıŋ ornyqty bolaşaǧyna qosqan jeke ülesı», — dedı ıs-şara ūiymdastyruşylary.
Mūndai bastamalar jastardyŋ qorşaǧan ortaǧa degen jauapty közqarasyn qalyptastyryp, belsendı azamattyq ūstanymnyŋ nyǧaiuyna yqpal etedı.
