Oqýlyqqa syn aıtyp, jelini shýlatqan áıel kópshilikten keshirim surady

6075
Adyrna.kz Telegram

2-synyptyń "Qazaq tili" páni oqýlyǵynda tańbalanǵan "Jazbasha sóıleý" tirkesine shúılikken azamat óz qateligin túsinip, qalyń kópshilikten keshirim surady, dep habarlaıdy "Adyrna" ulttyq portaly. 

 - Osydan birneshe kún buryn 2-cynyptyń "Qazaq tili" oqýlyǵyndaǵy "jazbasha sóıleý" degen erejege qatysty vıdeo túsirgen bolatynmyn. Sol vıdeodaǵy pikirimniń bilmestikten, ózimniń erejeni umytyp qalǵandyǵymnan bolǵandyǵyn moıyndaımyn. Shynymen de, ondaı ereje bar, oryndy jazylǵan. Bári durys. Sonymen qatar, osy kitaptyń jaryqqa shyǵýyna úles qosqan árbir adamnan, avtorlarynan, oqý-aǵartý mınıstrliginen, bárinen, olardy "ıdıot" dep ataǵanym úshin keshirim ótinemin, - dedi vıdeoda jeli qoldanýshysy.

Sonymen qatar, vıdeo avtory ózin jazǵyrǵandarǵa bul áreketterin toqtatýdy, sebepsiz daýryqpaýdy, "bir adamnyń vıdeosyna bola qanshama jandardyń eńbegin aıaqqa taptap, olardy qaralamaýyn" ótinedi.

"Adyrna" ulttyq portaly

Pikirler