29 qazannan bastap aqyly avtojoldarda jyldamdyq rejimın būzu derekterın avtomatty türde Äkımşılık ıs jürgızudıŋ bıryŋǧai tızılımınıŋ prosessingtık ortalyǧyna jıberıledı. Būl turaly «QazAvtoJol» ūlttyq kompaniiasy aitty, dep habarlaidy «Adyrna» tılşısı.
Endı kölık jürgızuşılerınıŋ jyldamdyqty arttyru jaǧdailary avtomatty baqylau arkalary arqyly tırkelıp, aqparat tıkelei jüiege tüsedı.
Kompaniia mälımetınşe, būl jaŋaşyldyq jol qozǧalysy erejelerın būzu faktılerın öŋdeu kezınde aşyqtyqty, ädıldıktı jäne jauapkerşılıktı qamtamasyz etuge baǧyttalǧan.
Jyldamdyq tırkeletın negızgı uchaskeler:
"Kökşetau – Petropavl" avtojoly:
354 km – "Dragomirovka" baqylau arkasy;
443,8 km – "Astrahanka" baqylau arkasy;
473,1 km – "Besköl" baqylau arkasy.
"Almaty – Qorǧas" avtojoly:
38,2 km – "Baltabai" baqylau arkasy;
204,6 km – "Ūiǧyr" baqylau arkasy;
205,4 km – "Panfilov" baqylau arkasy.
Jüie kölıktıŋ naqty qozǧalys jyldamdyǧyn tırkep, ony belgılengen şekteumen salystyrady. Eger jyldamdyq asyp ketse, aqparat avtomatty türde ÄIBT PO jüiesıne jıberılıp, äkımşılık materialdar qalyptastyrylady.
