2023 jyldyŋ qaraşa aiynda 9-synyp oquşysy Asyl Tūrsynbaidy abaisyzda mert qylǧan Jetısu oblysy Kerbūlaq audany Köksu auyldyq okrugınıŋ äkımı Äliia Baqtiiarova şartty jazaǧa kesıldı, dep habarlaidy “Adyrna” ūlttyq portaly QazTagqa sılteme jasap.
"Sot Baqtiiarovany QK-nıŋ 345-babynyŋ 3-bölıgınde körsetılgen qylmysty jasaǧany üşın kınälı dep tanyǧan bolatyn. Aiyptaluşy kınäsın tolyq moiyndap, jasaǧan qylmysyna şyn jürekten ökıngen, sondai-aq ol būǧan deiın qylmystyq qūqyq būzuşylyq jasamaǧan. Onyŋ moraldyq jäne materialdyq zalaldy öteu siiaqty kınänı jeŋıldetetın män-jailaryn, sondai-aq asyrauynda kämeletke tolmaǧan bes balasynyŋ jalǧyz asyrauşysy ekendıgın eskere otyryp, odan bas bostandyǧynan aiyruǧa bailanysty emes jaza taǧaiyndau turaly tiıstı ötınış kelıp tüsken, al sot QK-nıŋ 63-babyn qoldana otyryp aiyptaluşyny ekı jyl alty ai merzımge bas bostandyǧynan aiyru türındegı jazany şartty türde taǧaiyndady", - dep habarlady oblys sotynyŋ baspasöz qyzmetı.
Sondai-aq, şeneunık bes jyl merzımge kölık qūraldaryn basqaru qūqyǧynan aiyrylady.
"2023 jylǧy 2 qaraşada keşkı saǧat 8 şamasynda Eskeldı audany Biǧaş auylynyŋ Boranbaev köşesınde avtokölıktı basqarǧan sottaluşy Baqtiiarova köşenı kesıp ötpek bolǧan kämelet jasyna tolmaǧan T. - ny qaǧyp, mert qyldy. Alǧan jaraqattarynyŋ saldarynen kämeletke tolmaǧan jäbırlenuşı sol jerde qaitys boldy", - dep naqtylady sotta.
“Adyrna” ūlttyq portaly
