Batys Qazaqstan oblysynyń Terekti aýdanyndaǵy mýzykalyq mekteptiń meńgerýshisi tıktok túsirgeni úshin jumysynan qýyldy, dep habarlady "Astana" arnasy.
Bılep júrip, bir sátte jumyssyzdardyń qataryna qosylǵan Sandýǵash Bısenǵalıeva basshysynyń bul sheshimimen kelispeıdi. Aıtýynsha, buǵan dırektormen aradaǵy arazdyq sebep bolypty. Sandýǵash Bısenǵalıeva mektep dırektory men bas esepshiniń aqsha jymqyrǵanyn ańǵarypty.
Osylaısha quzyrly organdarǵa aryzdanǵan. Aýdıttik tekserý kezinde mektep basshylyǵynyń 26 mıllıon teńge urlaǵany anyqtalǵan. Sodan keıin dırektor qyr sońymnan qýdalap, qalaı da ósh alýǵa tyrysty deıdi jumyssyz ustaz.
"Qańtarda qarjy polıııasyna aryz berdik, sodan beri syıǵyzbady. Ornyńnan alyp tastaımyn, bul jumysty istemeısiń dedi! Tık-toktaǵy meniń prıvatnyı akkaýntym. Oqýshylarymmen birge túsemin. Án aıtamyn, onyń ústine bıshimin ǵoı. Bir kúnde jumystan shyǵaryp tastaýy meniń 25 jyldyq eńbegimdi joqqa shyǵarǵany ǵoı", - deıdi Sandýǵash Bısenǵalıeva.
Ádildik izdegen muǵalim Terekti aýdandyq bilim bólimi men eńbek ınspekııasyna shaǵymdanǵan. Óıtkeni kek alýǵa tyrysqan mektep dırektory zańdy belden basyp, bir kúnde birneshe ret sógis jarııalapty. Tipti aýyryp úıinde jatsa da, jumystan shyǵaryp jibergen. "Osylaısha dırektor tıktoktaǵy vıdeomdy teris maqsatta túrli ýatsap-toptarǵa taratyp, kúıe jaǵýǵa tyrysty. Jeke vıdeomdy kóptiń talqysyna usynyp, etıka ádebinen attap ketti" deıdi kúıingen ustaz. Muny aýdandyq bilim bólimi rastap otyr.
"Mektep dırektory óz qyzmetkerin jumystan shyǵarmastan buryn, bilim bólimin eskertýi kerek. Biraq ol bul týraly tis jarmady. Sondyqtan dırektory qyzmet babyn asyra paıdalandy dep sanaımyn. Ári adamnyń jeke vıdeosyn taratýǵa bolmaıdy. Týyndaǵan daýdy zań aıasynda sheshýge tyrysamyz", - deıdi Terekti aýdandyq bilim bóliminiń meńgerýshisi Janargúl Qusaıynova.
