Qazaqstanda prezıdenttiń tapsyrmalaryn oryndamaǵany úshin memlekettik saıası qyzmetshilerge tártiptik jaza qoldanylady. Prezıdenttiń «Memlekettik qyzmet ótkerýdiń keıbir máseleleri týraly» 2015 jylǵy 29 jeltoqsandaǵy jarlyǵyna tıisti ózgerister engizildi, dep habarlaıdy “Adyrna” ulttyq portaly.
Qazir memlekettik saıası qyzmetshiler:
- ózine júktelgen mindetterdi quqyqqa qaıshy, kináli túrde oryndamaýy nemese tıisinshe oryndamaǵany;
- laýazymdyq ókilettikterin asyra paıdalanǵany;
- qyzmettik tártip pen qyzmettik ádepti buzǵany;
- zańdarda belgilengen, memlekettik qyzmette bolýǵa baılanysty shekteýlerdi saqtamaǵany úshin tártiptik jazaǵa tartylatyn.
Endi osy tizimniń qataryna prezıdenttiń tapsyrmalaryn oryndamaǵany úshin qoldanylatyn jaza qosyldy. Iaǵnı prezıdent tapsyrmalaryn, sondaı-aq QR Prezıdenti ákimshiligi basshylyǵynyń tapsyrmalaryn oryndamaǵany nemese tıisinshe oryndamaǵany úshin sheneýnikter tártiptik jazaǵa tartylady.
