Rio-de-Janeiroda esırtkı saudasy men ūiymdasqan qylmysqa qarsy jürgızılgen auqymdy polisiia reidı kezınde kemınde 64 adam qaza tapty, dep habarlaidy «Adyrna» tılşısı Reuters-ke sılteme jasap.
Qalanyŋ soltüstıgınde ornalasqan Komplekso-du-Alemao jäne Komplekso-da-Peniafavelderınde «Comando Vermelho» kartelıne qarsy jürgızılgen qaruly operasiia 17 saǧatqasozylǧan. Reidke äue polisiiasy men arnaiy jasaqtar qatysqan.
Şeteldık BAQ mälımetınşe, kemınde 2500 qauıpsızdık qyzmetkerı operasiiaǧa jūmyldyrylyp, şamamen 100 tūtqyndau orderın oryndau közdelgen. Polisiianyŋ aituynşa, būl şara qylmystyq toptyŋ bır jyl boiy zerttelgen äreketterı negızınde üilestırılıp jürgızılgen.
Resmi derekterge süiensek, qaza tapqandardyŋ köbı — qylmystyq top müşelerı. Odan bölek,4 polisiia qyzmetkerı mert bolyp, taǧy 15 qyzmetker jaralanǧan.
Rio-de-Janeiro ştatynyŋ gubernatory Klaudio Kastro qala tarihyndaǧy eŋ ırı operasiialardyŋ bırı kezınde qylmys jasaǧan degen küdıkke ılıngen 60 adamnyŋ “zalalsyzdandyrylǧanyn” habarlady.
Operasiia barysynda 80 küdıktı ūstalyp, olardyŋ qatarynda kartel basşylarynyŋ bırı de bolǧan. Sondai-aq şamamen 100 atys qaruy tärkılendı. Ştat bilıgınıŋ mälımdeuınşe, qaza tapqandar polisiiaǧa qarsylyq körsetken. Reidke jauap retınde qylmystyq top müşelerı atys ūiymdastyryp, Rio-de-Janeironyŋ soltüstık jäne oŋtüstık-şyǧys bölıkterındegı joldardy jauyp tastaǧan.
